‘Partizani’/ Kërkojnë përjashtimin e trupës gjykuese, Gjykata e Lartë shtyn më 16 korrik seancën për Berishën dhe dhëndrin

‘Partizani’/ Kërkojnë përjashtimin e trupës gjykuese, Gjykata e Lartë shtyn më 16 korrik seancën për Berishën dhe dhëndrin

Jamarbër Malltezi dhe Sali Berisha

TIRANË- Gjykata e Lartë ka shtyrë për më datë 16 korrik seancën për Sali Berishën dhe dhëndrin e tij, Jamarbër Malltezi, të dy në arrest shtëpie pasi po hetohen për aferën e privatizimit të ish-klubit Partizani.

Shqiptarja.com mëson se seanca e sotme është shtyrë pasi mbrojtja e Berishës dhe Malltezit kanë kërkuar përjashtimin e 3 gjyqtarëve që do shqyrtojnë kërkesën e tyre për revokimin e masës së sigurisë arrest shtëpie. Mbrojtja ka kërkuar përjashtimin e gjyqtarëve Ilir Panda, Sokol Binaj dhe Sandër Simoni.

Mbrojtja kërkon përjashtimin e tyre me pretendimin se kjo trupë gjykuese është shprehur njëherë për kërkesën e Berishës dhe Malltezit për revokimin e masës së sigurisë arrest në shtëpi, kërkesë që është rrëzuar më herët nga kjo trupë gjykuese. Sipas mbrojtjes, duhet të jetë një trupë e re që të gjykojë sërish kërkesën e Berishës dhe Malltezit.

Prej 30 dhjetorit 2023 Sali Berisha ndodhet në arrest shtëpie, masë e caktuar nga Gjykata e Posaçme, pas kërkesës së SPAK. Ish kryeministri Berisha, nën hetim nga SPAK akuzohet se ka ndërmarrë veprime konkrete në miratim ligjesh dhe aktesh nënligjore, për të favorizuar dhëndrin e tij Jamarbër Malltezi, një ndër pronarët e truallit ku shtrihej kompleksi sportiv, mbi të cilin ndërtoi më pas 19 kulla.

Ndërkohë, Malltezi akuzohet për korrupsion pasiv dhe pastrim parash, pasi ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij, Berisha. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Goditje 'simbolike' ndaj Hungarisë, BE-ja zhvendos takimin e ministrave nga Budapesti në Bruksel

Goditje 'simbolike' ndaj Hungarisë, BE-ja zhvendos takimin e ministrave nga Budapesti në Bruksel