Afërdita Dreshaj promovon
“Superstar” mes miqsh e kolegësh

Këngëtarja Afërdita Dreshaj ka promovuar klipin e saj më të fundit në bashkëpunim me reperin Lumi. Kënga titullohet “Superstar” dhe është punuar nga producenti i njohur Blero, ndërsa për videon është kujdesur Max Production.



Në mbrëmjen e promovimit të klipit ishin ftuar personazhe dhe artistë të njohur të ekranit por nuk kanë munguar edhe mediat.  Ndërkohë si “një zonjë shtëpie” e vërtetë Afërdita është shfaqur në formë të mrekullueshme fizike, rrezëllitëse dhe mjaft e e emocionuar për paraqitjen e produksionit të ri muzikor.



“Superstar” është një këngë ritmike, e cila përshtatet stinës së verës. Gjithashtu edhe gjatë klipit paraqitja e Dreshaj ishte mjaft e kuruar.



E pyetur nga  televizioni A1 Report se përse kishte zgjedhur pikërisht Tiranën për këtë promovim, këngëtarja nga Mali i Zi u shpreh se e dashuronte Tiranën si dhe ndihej në shtëpinë e saj në kryeqytetin shqiptar.