POP 5

Lajmet më të lexuara të 5 minutave të fundit

Sociale

Afganët në Shqipëri: Mund të flemë pa frikë, jemi të lumtur këtu, por synojmë të largohemi në Kanada, SHBA apo Gjermani

571 qytetarë afganë që jetojnë në një resort turistik në Durrës, pas evakuimit të tyre nga Afganistani, thonë se po shijojnë paqen dhe lirinë e shtëpisë së tyre të re të përkohshme.

Afganët në Shqipëri: Mund të flemë pa frikë, jemi të lumtur këtu, por synojmë të largohemi në Kanada, SHBA apo Gjermani

Disa afganë të strehuar në një resort në Durrës

571 qytetarë afganë që jetojnë në një resort turistik në Durrës, pas evakuimit të tyre nga Afganistani, thonë se po shijojnë paqen dhe lirinë e shtëpisë së tyre të re të përkohshme. Mohammad Javed Khan, i cili punonte si nëpunës në parlamentin e Afganistanit, kur pyetet se çfarë gjeti në Shqipëri, përgjigja e tij e menjëhershme është “liri”.

“Çdo njeri ka nevojë për liri. Mund të flemë pa frikë. Mund të lëvizim pa frikë pasi askush nuk do të na vrasë, askush nuk do të na marrë vajzat tona, askush nuk do të bëjë sulm vetëvrasës. Pra, ne jemi të lumtur këtu”, thotë Mohammad Javed Khan.

Teksa ai dhe të tjerët presin të marrin një vizë për të emigruar drejt SHBA-së, Khan thotë se shpreson që ai të përfudimisht të jetojë në Kanada, pasi disa familjarë të tij jetojnë në këtë shtet.

“Kryesisht ne do të donim të shkonim në Kanada sepse ka ligje të mira të imigracionit dhe një pjesë e familjes sime jeton në Kanada. Njerëz të tjerë kanë mendime të ndryshme. Disa duan të shkojnë në Gjermani, disa janë duke shkuar në SHBA, disa do të shkojnë në Zvicër”, thotë ai.

Leqa Fahimi, një tjetër banore e resortit tregon për punën e saj në Afganistan.

“Shumica e nxënësve të mi në Afganistan ishin vajza jetime. Gjatë gjithë kohës ne flisnim për të ardhmen, për ëndrrat tona, qëllimet tona”, thotë Leqa Fahimi, ndërsa është e shqetësuar për nxënëset femra që kanë mbetur në Afganistan.

Ndërsa presin të marrin një vizë, të evakuuarit afganë që jetojnë në Shqipëri ndihmojnë stafin e resortit apo organizojnë aktivitete sportive dhe argëtuese për fëmijët./ VOA

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça