POP 5

Lajmet më të lexuara të 5 minutave të fundit

Kronikë

Afishet elektorale lihen “në fuqi”
bashkia ende ska nisur ti pastrojë

Hapësirat se ku duhet të vendosen materialet propagandistike gjatë fushatës elektorale janë të përcaktuara nga Kodi Zgjedhor.
TIRANE - Hapësirat se ku duhet të vendosen materialet propagandistike gjatë fushatës elektorale janë të përcaktuara nga Kodi Zgjedhor. Nëse ato vendosen në hapësira publike në kundravajtje me ligjin, atëherë heqja e tyre është përgjegjësi e njësive qeverisëse vendore.

Në shumë hapësira urbane dhe rurale të Shqipërisë, vazhdon të ndihet ende atmosfera e zgjedhjeve të 23 qershorit, por në dëm të mjedisit. Që nga koha e fushatës zgjedhore e deri më sot, pika kryqëzimesh të rëndësishme urbane si edhe nëpër ndërtesa të ndryshme, banimi apo institucionesh, ka akoma postera propagandues të subjeketve zgjedhore dhe shkrime me spraj.

Për sa i përket materialit propagandistik, në Nenin 79 “Materialet propagandistike”, të Kodit Zgjedhor, shpjegohet qartë se si veprohet me materialet propagandistike. Në pikën e parë të këtij neni thuhet se kryetari i njësisë së qeverisjes vendore cakton, në mënyrë të drejtë dhe të paanshme, vendet publike për afishimin e materialeve propagandistike. Në pikën e dytë thuhet se KQZ-ja miraton, me udhëzim të veçantë, kriteret për përzgjedhjen e këtyre vendeve.

Ndërsa në pikën e tretë dhe të fundit të këtij neni thuhet se çdo afishim i materialeve propagandistike jashtë vendeve publike të autorizuara sjell heqjen e tyre nga organet e zbatimit të ligjit, në varësi të njësisë qeverisëse vendore. Nëse do t’i përmbahemi Kodit Zgjedhor, heqja e materialit progandistik është detyrë e njësive qeverisëse vendore.

Ndërkohë, në pikën e dytë të Nenit 171 thuhet se shkeljet e tjera të dispozitave të këtij Kodi, kur nuk përbëjnë vepër penale, dënohen me gjobë nga 1000 deri në 2500 lekë. Ndërkaq në Kodin Zgjedhor nuk përkufizohet lloji i “materialit propagandistik”, që mund të afishohet në vendet publike sipas ligjit, duke marrë parasysh se gjatë kësaj fushate kemi pasur edhe numrat e subjekteve zgjedhore, që iu janë atribuar në fletët e votimit, të cilat janë pikturuar nëpër mure së bashku me akronimin e subjekteve zgjedhore në fjalë.

Nga ana tjetër, ligji nuk sanksionon subjektet zgjedhore, materiali propagandistik i të cilave është afishur në vende publike në kundravajtje me ligjin. Ndërkaq thelbi i problemit mbetet pastrimi i hapësirave publike nga këto “mbeturina” të fushatave zgjedhore, të cilat vazhdojnë të rrinë të afishuara me vite.
 
Mbishkrimet
Një nga llojet e materialit propagandistik gjatë kësaj fushate kanë qenë edhe mbishkrimet në mure ndërtesash në format e numrave të subjekteve zgjedhore, që iu janë atribuar në fletët e votimit, të cilat janë pikturuar nëpër mure së bashku me akronimin e subjekteve zgjedhore në fjalë. Zakonisht këto mbishkrime pikturoheshin në orët e vonëtë të natës. Për t’i hequr ato nevojitet që muret të lyhen.
 
Shkrimi u publikua sot (9.11.2013) në gazetën Shqiptarja.com (print)

Redaksia Online
(d.d/shqiptarja.com­)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Orë kritike, Kryepeshkopi Anastas në intubim pas operacionit! Besimtarët luten për shëndetin e tij

Orë kritike, Kryepeshkopi Anastas në intubim pas operacionit! Besimtarët luten për shëndetin e tij

11 Janar, 14:39