POP 5

Lajmet më të lexuara të 5 minutave të fundit

Sociale

Agjentët e Shërbimit Sekret
të Obamës gjenden të dehu

Tre agjentë të Shërbimit Sekret të Presidentit të Shteteve të Bashkuara të Amerikës u pezulluan për arsye disiplinore, gjatë vizitës së Obamës në Amesterdam. 'Washington Post' raportoi se 3 agjentët ishin të dehur kurse njëri prej tyre u gjet i shtrirë në korridor.
HOLANDË - Tre agjentë të Shërbimit Sekret të Presidentit të Shteteve të Bashkuara të Amerikës u pezulluan për arsye disiplinore, gjatë vizitës së Obamës në Amesterdam.

'Washington Post' raportoi se 3 agjentët ishin të dehur kurse njëri prej tyre u gjet i shtrirë në korridor të një hoteli në Amsterdam. Një zëdhënës i Shërbimit Sekret nuk pranoi të japë detaje, por tha se ndaj 3 agjentëve do të hapet një hetim.

Incidenti ndodhi para ardhjes së Presidentit Obama në Holandë ditën e hënë për një samit të sigurisë bëthamore. Gjithashtu zëdhënësi i Shërbimit Sekret shtoi se siguria e Presidentit nuk ishte kompromentuar.

Ky nuk është rasti i parë që agjentë të Shërbimit Sekret përfshihen në të tilla incidente.

Edhe në vitin 2013, dy agjentë të sigurisë së Presidentit Obama u larguan pas akuzave për ngacmime seksuale dhe sjellje të pahijshme. Kurse në vitin 2012 disa agjentë u shkarkuan pasi kishin marrë disa prostituta në Kartagjenë, Kolumbi.


(v.gj/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55