POP 5

Lajmet më të lexuara të 5 minutave të fundit

Opinion

Ajazi: Qepalla e pabesë e Lulzimit

Të shumta kanë qenë hamendësimet, hipotezat, akuzat dhe thashethemet se çfarë u tha dhe u diskutua mes liderit të mazhorancës dhe atij të opozitës,në mesnatën e 17 Majit 2017.

Ajazi: Qepalla e pabesë e Lulzimit

Lulzim Basha dhe Edi Rama

Të shumta kanë qenë hamendësimet, hipotezat, akuzat dhe thashethemet se çfarë u tha dhe u diskutua mes liderit të mazhorancës dhe atij të opozitës,në mesnatën e 17 Majit 2017. Në fakt takimi mes Ramës dhe Bashës, u finalizua pas mesnate me një “qepalla publike”, e cila solli asokohe një raport të ri politik mes kryeministrit dhe kryetarit të PD. Por gjithsesi, jo gjithçka ka qenë e lehtë mes tyre deri në atë takim. Kjo për faktin, se deri para datës 17 maji 2017, Lulzim Basha ishte një opozitarist i “fortë”, dhe qëndronte në “çadrën e lirisë”, para zyrës së kryeministrit Rama dhe përbetohej se “do ta rrëzonte me popull dhe se nuk futej në zgjedhje me këtë kryeministër”.

Ai madje bënte thirrje nga “çadra e lirisë”, dhe në emër të “Republikës së Re” që populli të kalonte në mosbindje civile, të thyente xhama dritaresh dhe xhama makinash, të ndizte flakë vendin. Por në darkën e 17 majit, kryetari Basha, popullin opozitarist e kaloi nga “çadra e lirisë” tek çadra e qeverisë, duke hyrë në kabinetin e Edi Ramës me plot 6 ministra të rëndësishëm. Zërat kundër Lulzimit e quajtën “ lëvizje skandaloze që shkelte parimet e vërteta demokratike, nga ana e kryetarit të PD”. Marrëveshja u firmos, dhe Lulzimi pranoi të hyjë në zgjedhje, duke përvetësuar për afro 6 muaj, disa portofole ministrash, por dhe postesh institucionale, përfshirë dhe kreun e KQZ. Kryeministri Rama i dha praktikisht çfarë donte, dhe në fund sërish fitoi, duke e mundur thellë Lulzimin dhe boshtin e tij opozitar. Një skenar që dukej sikur do të përsëritej edhe tani, me krizën aktuale politike që ka sjellë djegien e mandateve nga opozita, të shoqëruara me protesta të dhunshme vitin e kaluar. Kjo padyshim ishte një “qepalla” e pabesë nga ana e kreut të PD.

Ashtu si tre vjet më parë, të paktën deri para 1 muaji, zoti Rama përsëriste ftesën e tij ndaj Lulzimit “kur do flasim”, ndërsa ai, me tone të ashpra kundërshtonte e sulmonte rivalin e tij politik. Nga ana tjetër, siç kishte paralajmëruar, Partia Demokratike, ka vijuar avazin, duke nxjerrë emra kryebashkiakësh të dënuar më parë, dhe që kanë marrë sipas saj “mandatin nga KQZ, në kundërshtim me ligjin e dekriminalizimit”. Sekretar Gazi, nuk ka munguar të dalë para mediave, nga ku ka kërkuar zyrtarisht nga Prokuroria Përgjithshme, “verifikimin e të kaluarës kriminale” edhe të kryebashkiakut të Matit Agron Malaj. Ky është kryebashkiaku i pestë i denoncuar nga PD pas 30 qershorit, në vazhdimin e pabesisë së qepallës së Lulzimit mesnatën e 17 Majit 2017. Duke parë gjithë nekrologjinë e ngjarjeve që kanë rrjedhur pas marrëveshjes së 17 Majit, ecurinë çalamane dhe të dhunshme të aksioneve opozitariste të skenuara dhe drejtuara nga kryetari i PD, djegien e mandateve dhe institucioneve, fushatën intensive të një aleance pa bosht kundër integrimit të vendit në dyert dhe zyrat e institucioneve europiane, bindesh se qepalla e Lulzimit mesnatën e 17 Majit 2017 ishte e pasinqertë.

Ajo vazhdon të mbetet thjesht një kujtesë e keqe, e një takimi të cilin Lulzimi e kërkoi nga çadra, dhe e shkeli sapo kaloi lumin me Doktorin. Kjo edhe për faktin se axhenda e Bashës nuk ka qenë kurrë në përputhje me axhendën e PD, interesi i tij ka qenë sundimi i partisë, promovimi i mediokritetit, dhe ruajtja e pozitave si kryetar partie.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08