TIRANË- Akademiku i asociuar Shaban Sinani zgjidhet Sekretar Shkencor i Akademisë së Shkencave.
Në përfundim të votimit të fshehtë të anëtarëve të Asamblesë së ASH-së, mbajtur gjatë mbledhjes së datës 27 dhjetor 2019, Komisioni i Votimit, i përbërë nga akademikët Florian Vila, Aurela Anastasi dhe akademiku i asociuar Ilirjan Malollari, konfirmoi zgjedhjen e Sekretarit Shkencor me 28 vota pro, 3 vota kundër dhe dy vota të pavlefshme.
Kush është Shaban Sinani?
Akademiku Shaban Sinani kreu studimet e larta në degën e gjuhës shqipe e të letërsisë në UT (1982). Filloi punën si gazetar i “Zërit të popullit”. Ndihmës i Kryetarit të Shtetit për çështjet kulturore (1985–1992); punonjës shkencor në Institutin e Kulturës Popullore dhe përgjegjës departamenti (1992–1999), drejtor i Drejtorisë së Përgjithshme të Arkivave (1999–2005); punonjës shkencor në Institutin e Gjuhësisë dhe të Letërsisë
(2005-2016); prej vitit 2016 e në vazhdim Sekretar shkencor në Seksionin e Shkencave Shoqërore dhe Albanologjike të Akademisë së Shkencave.
Ka botuar libra me studime letrare, vështrime politike, studime folklorike e etnologjike etj., si dhe bashkautor në disa botime. Përkujdesës i një numri botimesh folklorike e historike-dokumentare e letrare; anëtar i redaksisë ndërkombëtare të ribotimit anastatik të
“Illyricum Sacrum” I–IX (Zagreb – Prishtinë, 2005); drejtues i projektit ndërkombëtar “Fermanët: të shkruash historinë me tolerancë” (konferencë dhe vepër shkencore e ilustruar, në tri gjuhë, 2005).
Përgatiti dhe realizoi regjistrimin e dy kodikëve më të vjetër të Shqipërisë: “Beratinus-1” dhe “Beratinus2” në programin e UNESCO-s “Memoire du Monde” (2005), si dhe programin ndërqeveritar “Modernizimi i arkivave kombëtare” (2000–2005); anëtar i komisionit kombëtar të UNESCO-s (2000), anëtar i komitetit kombëtar të AIESSEE-së (1999–2005), themelues i komitetit kombëtar të programit “Memoire du Monde” (2004).
Ai është nderuar me Urdhrin Naim Frashëri, klasi II (1986); Çmimin e dytë kombëtar vjetor të revistës Hosteni për novelë (1991); Qytetar Nderi i Beratit (2008); Çmimin dhe kupën
Madonna e Argjentë për film dokumentar-shkencor në Festivalin V Ndërkombëtar të Filmit në Bjelorusi (skenarist, 2010); Çmimin kombëtar Faik Konica për studim monografik (2012).
Lajme të tjera
-
Niko Pojani: Jeta dhe veprimtaria Shkencore e Prof. Inxh. Egon Gjadrit
2 Dhjetor, 18:21
-
Kërkimi shkencor/ Zhupa: Bie ndesh me Kushtetutën, Shqipëria shkon drejt regresit në fushën e shkencës
18 Tetor, 19:36 -
Fatos Çoçoli: Koha e duhur për ministri për shkencën
7 Tetor, 08:33
-
100-vjetori i lindjes së Jakov Xoxës/ Shkrimtari kujtohet dhe nderohet në Akademinë e Shkencave
10 Maj, 18:35
-
Ligji për Akademinë e Shkencave përfundon në Kushtetuese, Zhupa dorëzon padiën: Nga ‘Basha’ firmos Nebiaj, Açka jo!
10 Maj, 15:27 -
'Padi në Gjykatë Kushtetuese', Ina Zhupa: Ndryshimet ligjore për Akademinë e Shkencave antikushtetuese
24 Prill, 15:46 -
Libri akademik e shkencor, Shqipëria e Kosova në Panair! Shaban Sinani: Ja ku shkojnë botimet tona! Krizat politike?! Mehmet Kraja: Ne vazhdojmë punën!
23 Prill, 15:50
-
Shefja e ChatGPT, Ermira Murati, pjesë e Akademisë së Shkencave të Shqipërisë! Miratohen akademikët e rinj, mes tyre dhe Lea Ypi e Angjelin Prelocaj
22 Prill, 16:12 -
Akademia e Shkencave do të mbajë një aktivitet për piktorin Lekë Tasi
27 Shkurt, 17:55 -
Viti 2024/ 385,88 milonë lekë për Akademinë dhe Institutet tek "Shkencat"! Synohen ambiente më të zgjeruara dhe një muze i madh arkeologjik!
23 Shkurt, 22:29 -
Akademia e Shkencave bën bilancin e 2023, prezanton projektet e këtij viti: Premton të forcojë rolin e saj në arsim, kërkon më shumë vëmendje nga politika
23 Shkurt, 19:53
-
Akademia e Shkencave shkarkon drejtorët e instituteve në gjysmën e mandatit, emëron të rinj (EMRAT)
11 Janar, 14:42
