Një aksident i rëndë ka ndodhur mbrëmjen e sotme në aksin rrugor Elbasan-Peqin, pranë fshatit Pajovë.

Mësohet se janë përplasur dy automjete, ku për pasojë kanë mbetur të plagosur tre persona.

Një prej tyre, një grua, e cila kishte marrë dëmtime të rënda, u transportua me urgjencë drejt Spitalit Rajonal të Elbasanit, por pavarësisht ndihmës mjekësore, ka ndërruar jetë.

Ndërkohë në vendngjarje kanë mbërritur ambulanca dhe policia, ku po zbardhen shkaqet dhe rrethanat e aksidentit.