Aksident në Lezhë, 5 të plagosur
një person në gjendje të rëndë

LEZHE - Përplasja e dy mjeteve në dalje të qytetit të Lezhës u shoqërua me plagosjen e 5 personave dy prej të cilëve fëmijë.

Aksidenti u regjistrua sot në mëngjes rreth orës 8:00 në afërsi të rrugës së lagjes "Nënë Tereza", ndërsa të plagosurit pas ndihmës së parë të marrë në spitalin e Lezhës janë jashtë rrezikut për jetën.  

Automjeti tip Ford me targa AA 585 AY që drejtohej nga 26-vjeçari me iniciale F.M banues në lagjen "Varosh" të Lezhës në tentativë për të dalë nga një rrugë dytësore për në superstradë është përplasur me një automjet tip "Fiat" me targa AA 411 FM që drejtohej nga shtetësja me iniciale D.D 44 vjeçe, ndërsa në mjet ndodheshin edhe 2 fëmijët e saj të mitur.

Ndonëse zona ku ndodhi aksidenti lëvizte me shpejtësi jo të lartë, përplasja mes dy mjeteve ka lënë të plagosur drejtuesit e mjeteve dhe pasagjerët e tyre, ndërsa është shoqëruar edhe me dëme materiale.

Nga hetimet e para ka rezultuar se mjeti tip ford është futur në mënyre të befasishme në superstrade, duke sjellë panik tek drejtuesja e mjetit që udhëtonte me Fiat, e cila ndonëse ka tentuar ti shmanget aksidentit është përplasur në pjesën anësore të mjetit tjetër.

Rrugorët kanë bërë edhe shoqërimin e 26-vjeçarit që shkaktoi aksidentin, ndërsa po punohet për zbardhjen e plotë të rrethanave të ndodhjes së tij.







Redaksia online
(f.m/shqiptarja.com)