Pas aksidentit i cili i ndodhi disa ditë më parë këngëtari shqiptar Redon Makashi ka vendosur të shprehet duke hedhur poshtë pretendimet mediatike se përpara aksidentit Makashi ishte në gjendje të dehur.

Përmes një postimi në rrjetin social Facebook ai thekson se nuk ka nevojë për stimulantë të tillë pasi është i mbushur me pasion dhe adrenalinë: “S'kam perdorur kurre dhe nuk kam ndermend, sepse jam i mbushur me adrenaline dhe pasion dhe keshtu do vazhdoj te jem deri ne fund te jetes time,”-shkruan këngëtari. Në fund të postimit të tij ai thekson se këtë aksident e merr si spunto për të punuar dhe krijuar më tepër muzikë.
 
Postimi i plotë i këngëtarit Redon Makashi në profilin e tij në Facebook:

Miq! Ndoshta erdhi momenti qe t'ju falenderoj te gjitheve qe me keni telefonuar dhe me keni derguar sms .Madje kete Njoftim po e bej me shume edhe per konfuzitetin mediatik apo rrjeteve sociale

.....Se aksidenti ishte si pasoje e konsumimit te pijeve alkolike apo narkotike....Po ju bej me dije se :- S'kam perdorur kurre dhe nuk kam ndermend ,sepse jam i mbushur me adrenaline dhe pasion dhe keshtu do vazhdoj te jem deri ne fund te jetes time .....se e kuptova akoma me shume ne kete aksidente qe Zoti me dashka akoma dhe duhet te vazhdoj te Jetoj dhe Krijoj.Kalofshi nje vere te bukur......