POP 5

Lajmet më të lexuara të 5 minutave të fundit

Kronikë

Aksidenti tragjik në Maqedoni, Rama, Meta dhe Ruçi shprehin ngushëllimet

Kryeministri Edi Rama ka shprehur ngushëllime për viktimat e aksidentit tragjik në maqedoni, ku humbën jetën 13 pasagjerë dhe mbetën t ëplagosur 29 të tjerë, si pasojë e përmbysjes së një autobusi udhëtarësh në autostradën Shkup-Tetovë. Mesazh ngushëllimi edhe Presidenti Meta dhe kryeparlamentari Ruçi.

Aksidenti tragjik në Maqedoni, Rama, Meta dhe Ruçi shprehin ngushëllimet

Kryeministri Edi Rama ka shprehur ngushëllime për viktimat e aksidentit tragjik në Maqedoni, ku humbën jetën 13 pasagjerë dhe mbetën t ëplagosur 29 të tjerë, si pasojë e përmbysjes së një autobusi udhëtarësh në autostradën Shkup-Tetovë.

Kreu i qeverisë shqiptare, shpreh solidaritetin e tij ndaj familjarëve të të ndjerëve, si dhe të plagosurve, duke theksuar njëkohësisht pikëllimin për tragjedinë e ndodhur në vendin mik, siç ai e quan.

"Pikëllim për tragjedinë e autobusit në vendin fqinj të Maqedonisë së Veriut, ku numri i viktimave e të plagosurve ka tronditur e shqetësuar aq shumë familje. U jemi pranë shpirtërisht të gjitha familjeve dhe të gjithë vendit mik", shkrun shefi i mazhornacës shqiptare në një postim në rrjetin social Twitter.

Edhe Presidenti Ilir Meta reagoi në lidhje me aksidentin tragjik në Maqedoni. Meta shkruan se ndihet i tronditur nga lajmi, ndërkohë që u ka shprehur ngushëllimet e sinqerta dhe solidaritetin vëllazëror familjarëve të prekura nga tragjedia.

'Thellësisht i prekur dhe i trishtuar nga lajmi tronditës i humbjes së jetëve në tragjedinë e autobusit në autostradën Shkup - Tetovë. Në këto momente të vështira jam shpirtërisht pranë familjeve të lënduara nga kjo tragjedi, të afërmve e miqve të viktimave dhe pranë të gjithë qytetarëve të Maqedonisë së Veriut të prekur prej saj! Ngushëllimet e sinqerta dhe solidaritet vëllazëror! Urim të sinqertë për një shërim të shpejtë për të gjithë të plagosurit!', ka shkruar ndër të tjera presidenti Ilir Meta.

Edhe Kryetari i Kuvendit Gramoz Ruçi ndau një mesazh ngushëllimi për viktimat e aksidentit të Gostivarit.

"Jemi të gjithë të tronditur nga ngjarja e rëndë. Ndajmë dhimbjen e thellë me familjet për humbjen  e njerëzve të dashur. Solidaritet vllazëror me qytetarët e Gostivarit", u shpreh kryeparlamentari.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

4 Janar, 23:06