Një aksident rrugor është regjistruar në Tiranë, në rrugën "Ymer Kurti", pranë shkollës "Petro Nini Luarasi". 

Në aksident është përfshirë një automjet tip Mercedes Benz, me drejtues A. E., rreth 60 vjeç, i cili ka humbur kontrollin e mjetit dhe është përplasur me një automjet parkuar pranë saj. 

Bilanci i këtij aksidenti është një i vdekur, pikërisht drejtuesi i automjetit i cili dyshohet se ka pësuar infarkt në momentin e përplasjes. 

Edhe pse i është dhënë ndihma e parë mjekësore, ai ka ndërruar jetë rrugës për në spital. 

Grupi hetimor po punon për sqarimin e plotë të rrethanave.

Redaksia Online
l.q/Shqiptarja.com