‘Nuk kishte vend për mua në partinë e Berishës’. Kështu është shprehur, Enkeljed Alibeaj një prej themeluesve të Partisë ‘Djathtas 1992’, e krijuar së bashku me një grup deputetësh të djathtë për të garuar në zgjedhjet parlamentare të 2025.
I ftuar në emisionin 'Frontline' në Report Tv mbrëmjen e sotme, Enkeled Alibeaj, u shpreh se ai u largua pasi pa që nuk kishte më vend për të në PD.
‘Kur partinë e mori Berisha dhe grupi është i Berishës, unë kur kam qenë për njërin dhe tjetrin e kam bërë për vlera, në momentin që unë mendoj se s’ka vlera e braktisë. Kam lirinë time të zgjedhjes poltike madje nga momenti që ti largohesh nuk është me e hijshme që të godasësh. Por duhet që të marrësh përsipër që të krijosh alternativën tënde dhe të mos zvarritesh për një karrige", tha ai.
Alibeaj u shpreh se nga segmente opozitare ka pasur dhe sulme politike për të goditur këtë projekt.
"Ka një mobilizim ushtarak për të goditur projektin tonë. Çudia më e madhe është që vjen nga një segment opozitar. Për ne ka një etje për të dal në debat me këdo", tha ai.
Sipas tij, numri i mbështetësve të Sali Berishës është ulur edhe këtë sipas tij, e tregoi edhe protesta e 7 tetorit.
“Është një segment opozitar që ka gjetur këtë trajektore të mënyrës se si mund të bëhet politikë. Është e drejta e tyre. Në protesta që unë kam qenë, të drejtuara nga Basha kanë qenë më të mëdha se këto. Pashë që kishte një rrudhje, numër i vogël mbështetësish, atëherë ka pas më shumë mbështetje’, tha ai.
Teksa foli për krijimin e partisë së re ‘Djathtas 1992’, ai tha se ka qenë nismë e një grupi deputetësh.
“Jemi një grup individësh dhe kolegë që vendosëm që të sillnin një jetë imagjiantën e së djathës së munguar në Shqipëri. Na ka ardhur natyrshëm si një nevojë dhe ka qenë një ndjesi e përhapur nga 90 e këtij që e djathta që asnjëherë nuk u bë dhe ngeli një ëndërr e parealizuar. E dhjatha ka munguar edehe para '90, ai sistem ishte kundër individit dhe pronës, këto janë vlerat kryesore të së djathtës. Ne kemi pasur në diskutime edhe emra të tjerë, po nuk kemi dashur që të aventurohemi në ide populiste ose që ngjallin emocione të momentit. Ne jemi nisur me iden që të mos jetë një parti, por më tepër një vokacion politik", tha ai.
Një prej themeluesve të partisë ‘Djathtas 1992’ Enkelejd Alibeaj në 'Frontline' në Report Tv, ka treguar edhe emrat e disa prej aleatëve të partisë së re.
Ai hodhi akuza lidhur me kodin zgjedhor në Shqipëri, se sipas tij është bërë nga Berisha dhe Rama për të penguar partitë e reja.
"Së bashku me Açkën, Agalliun, Jakupllarim Shehin, ne kemi krijuar edhe një grup parlamentar poltikë që kemi dashur të themi këtë edhe mund të bashkohesh edhe jashtë së vjetrës. Ky kod zgjedhor që është u bë nga Rama dhe Berisha për të hequr listat e hapura por për një arsye të fshehtë për t' ja bërë të pamundur partive të reja, dhe një nga arsyet që duhet ti shtyj të gjitha lëvizjet e reja nëse de ta ndjejnë të harmonizojnë forcat pa u shkruirë në diçka pa ngjyrë dhe pa emër”, tha ai.
Ndër të tjera, Alibeaj tha se partia ‘Djathtas 1992' synon elektoratin gri.
“Kjo kultura politike pa u bërë zgjedhjet akoma dhe del kryetari i një partie dhe thotë ne do të fitojmë dhe pasi nuk fiton nuk jep as dorëheqjen, por kjo nuk është kultura jonë. Ne synojmë elektoratin gri dhe jo vetëm, do kërkojmë votën e çdo shqiptari dhe elektorati gri është i qartë për dy gjëra, që nuk voton më Ramën dhe as segmentin opozitar të Berishës. Ne s’do dalim të themi na votoni ne, hajdeni pas nesh. Kushdo që e ndjen që ky vend duhet ndryshuar mund të na bashkohet”, tha ai.
Gjykata e Lartë rrëzoi sot kërkesën e ish deputetit demokrat Ervin Salianji për pezullimin e dënimit me burg. Salianji do të vazhdojë të qëndrojë në burgun e Fierit, ku ka për të vuajtur dënimin me 1 vit burg për kallëzim të rremë në dosjen 'Babale'.
Lidhur me këtë vendim Alibeaj nuk pranoi që të jap një koment , ndërsa u shpreh se Salianji ka bërë një akt fisnik politik që pranoi të vuaj dënimin.
Ai hodhi poshtë zërat se ai e ka braktisur Salianjin.
‘Kam qenë edhe dëshmitar në proces për çështjen ‘Babale’, në këtë pozicion nuk më lejohet. Sepse s’dua të lëshoj mesazhe të gabuara, Salianji ka bërë një akt fisnik politik, jo si ata të Ramës që i janë fshehur drejtësinë. Se di kush thotë që e kam braktisur, unë nuk braktis askënd, preferojë që të sakrifikohem un se sa të braktis. Por vendimi është akt politik. Ai është sakrifikuar dhe ka fituar vlera për atë gjest që bëri", tha ai.
Lajme të tjera
-
Ilir Meta viziton Salianjin: Burgu politik vetëm e ndez frymën e ndryshimit
15 Tetor, 21:13 -
Berisha sulmon deputetët e larguar të PD-së që krijuan ‘Djathtas’: Në darkë dalin nga kryeministria, pastaj bëjnë opozitën e opozitës
15 Tetor, 17:40 -
Ditëlindja e Sali Berishës! I pandehur për korrupsion për dosjen 'Partizani', fryn qirinjtë e 80 vjetorit në 'arrest shtëpiak'! Kardiologu që la profesionin për politikën
15 Tetor, 09:35 -
“’Djathtas 1912’ për të mundur Ramën”, Kthupi për Report Tv: Berisha s’përfaqëson më të djathtën shqiptare! S’ka bashkëpunim në 2025-n
14 Tetor, 17:55
-
PD ‘harron’ mosbindjen, takohet në tryezë me PS dhe BE-në në Rogner! Manja: Dekriminalizojmë plotësisht shpifjen
14 Tetor, 15:24
-
Tre deputetët e PD takojnë në burgun e Fierit, Ervin Salianjin
14 Tetor, 15:20 -
Pse Basha shkon ende në Këshillin e Europës? Kuvendi për Report TV: Shkon deri më 31 dhjetor, njoftuam KiE-në për zëvendësimin me Vokshin
14 Tetor, 13:58
-
Edison Ypi: Partiza arkivole
14 Tetor, 12:09
-
Partia që i gris Berishës, fasadën e bashkimit dhe i heq monopolin e opozitës
13 Tetor, 22:21
-
Ben Andoni: Sfida e 'Të Djathtëve-1912', Konservatorizmi dhe jo Berisha?!
12 Tetor, 20:59
-
Mero Baze: PD duhet të zgjedhë mes Orbanit dhe Ramës
12 Tetor, 20:28
-
Spahiu: Partitë e reja të bashkohen dhe të nxjerrin një kandidat për kryeministër më të mirë se Berisha-Rama
12 Tetor, 17:38
