Aktroi i njohur i humorit Gentian Zenelaj ka treguar se si ai ka kaluar fëmijërinë në qytetin e tij të lindjes, Lezhën. Ai kujton se kur ka qenë i vogël ka qenë çoban, pasi dajat e tij kishin disa dhi.
“Unë në Lezhë kam parë aventura të papara, unë në Lezhë kam qenë edhe çoban. Dajat e mi kishin një tufë me dhi, se atëherë sa filluan të mbanin bagëti, sa u krijua demokracia dhe unë Kalanë e Lezhës e njoh pëllëmbë për pëllëmbë sepse aty janë dhe gurët ciklopikë, janë ata gurët e mëdhenj, gurët Ilirë dhe për ne ishte një skenografi e jashtëzakonshme. Sa herë që unë shkoj në Lezhë, mundohem t’i gjej me sy kalatë, tani janë bërë shumë ndërtime dhe sa mirë do ishte Bashkia e Lezhës ti zbulonte ato gurë sepse janë të jashtëzakonshëm për t’u parë”, tha aktori në emisionin “Rudina”.
AI tregon se nuk ka dëshiruar që të largohej nga Lezha, por të qëndronte dhe të studionte Akademinë e Sigurisë. Ai është shprehu se periudha më e vështirë e tij gjatë qëndrimit në vendlindje ka qenë viti ’97, koha kur ishte maturant teksa i kujtohet se si kanë zhvilluar atëherë provimin e maturës, këmbëkryq dhe në tokë pasi klasa ishte djegur dhe në derën e shkollës kishte autoblinda.
“Largimi im ka ndodhur në ’97, ishte mbarimi im i gjimnazit dhe provimi jonë i maturës ishte me autoblinda. Unë e mbaj mend si tani që provimin e kemi bërë këmbëkryq në tokë sepse klasa ishte djegur dhe poshtë tek dera e shkollës kanë qenë autoblinda sepse duhet të kalonte ky gjimnaz dhe shumë miqtë e mi zgjodhën, Italinë, Francën, unë erdha në Akademinë e Arteve”, tha aktori.
“Me shumë keqardhje e lashë Lezhën sepse siç e thashë vendlindja është varri i të parëve që të lidh me njerëzit e tu të dashur. Lezhën e lashë me shumë keqardhje sepse realisht ka qenë një qytet i mrekullueshëm për të jetuar. Ka qenë interesant, intelektual se kishte shumë baza detare, baza aviacioni, kishte intelektualë, kishte poetë shumë, artista dhe e lashë me shumë keqardhje. Por ishte një vit shumë i vështirë kur u largova. Tiranën prapë e dua shumë sepse më hapi krahët dhe i jam mirënjohës sepse krijoi habitatin që unë të jetoja, kam familjen, fëmijët, kam bashkëshorten. Djali im e thotë që unë jam nga Lezha”, ka rrëfyer aktori.
Lajme të tjera
-
Me pak shpirt shqiptar e shumë të qeshura, ‘Shtëpiakë të dëshpëruar’ në ArTurbina! Artan Imami: Lakmuesja ishte bashkëshortja! Pendesa për filmat e roli i partizanit te ‘Gjirokastra’
19 Qershor 2023, 14:30
-
Bëhuni gati, pas suksesit në rajon, rikthehet 'Shtëpiakë të dëshpëruar'! Imami, Çobani e Zenelaj me batuta që ‘mbërthejnë’ publikun
17 Qershor 2023, 13:10 -
‘Shtëpiakë të dëshpëruar’, raporti në çift sipas tri burrave! Tan Imami, Gent Zenelaj e Indrit Çobani me stand-up komedi: Te pjesa gjejmë dhe veten!
7 Shkurt 2023, 15:33
-
Gentian Zenelaj flet për lojën e mikut të tij Amos brenda Big Brother Vip: I kam thënë mos u fut, ka komente në rrjet që janë të liga!
2 Shkurt 2023, 12:29 -
Do bëhet pjesë e politikës? Gent Zenelaj rrëfehet ‘N’kohë’: Se kam mohuar asnjëherë! Ja sfidat e ardhshme dhe të vërtetat në rrugën drejt suksesit
30 Prill 2022, 22:09 -
'Dita më e bukur' me tradhti e falje, Ledio Topallaj sjell realitetin francez në teatër! Gentian Zenelaj: Do doja që ‘zgjidhja’ e çifteve në Shqipëri të ish paqësore, si kudo në Evropë
20 Mars 2022, 08:23
-
'Dita më e bukur' shfaqja që sjell realitetin francez në skenë, Gentian Zenelaj: Do doja që ‘zgjidhja’ e çifteve në Shqipëri të ishte paqësore, si kudo në Evropë
19 Mars 2022, 16:24
-
Teatri shëtitës në Lezhë, vihet në skenë komedia ‘Boing-Boing’ (VIDEO)
9 Qershor 2021, 20:58
