POP 5

Lajmet më të lexuara të 5 minutave të fundit

Politikë

'Xhafaj', Donald Lu për Report Tv: Hetim të pavarur përgjimit, të mos ndërpritet puna për kapjen e 'kokave' të krimit

Donald Lu reagon për Report Tv pas akuzave të PD ndaj ministrit të Brendshëm, Fatmir Xhafaj. Lu përcjell një mesazh të fortë për ata që kërkojnë dorëheqjen e Xhafajt, teksa kërkon të mos ndërpritet puna e policisë për kapjen e 'kokave' të krimit.

Pas akuzave te opozitës, Shtetet e Bashkuara të Amerikës mbështesin Ministrin e Brendshëm Fatmir Xhafaj, dukë vlerësuar punën e tij të deritanishme. Në një takim mes Fatmir Xhafës dhe Donald Lu, në Ministrinë e Brendshme, Ambasadori Amerikan shprehu mbështetjen e SHBA-ve në luftën që po bëhet kundër krimit të organizuar.

Donald Lu shprehu mbështetjen e fortë të SHBA-ve si dhe vendeve të tjera partnere, për Ministrinë e Brendshme dhe Ministrin Xhafaj, në gjithë përpjekjet e tyre për t’ju dhënë qytetarëve më shumë rend e siguri. Ambasadori Lu inkurajoi Ministrin Xhafaj dhe Policinë e Shtetit, për të vijuar edhe më me intensitet përpjekjet për më shumë rezultate në luftën kundër krimit të organizuar

Ministria e Brendshme

Report TV e pyeti ambasadorin Amerikan nëse Fatmir Xhafaj e gëzon mbështetjen e SHBA-ve, pas akuzave te Partisë Demokratike dhe cili është qëndrimi i ambasadorit. Donald Lu u përgjigj se:

Po i ndjek me vëmendje akuzat kundër Ministrit Xhafaj dhe vëllait të tij Agron Xhafaj. Faktet dhe provat, përfshirë edhe vërtetësinë dhe rrethanat rreth regjistrimit audio të raportuar, meritojnë të hetohen në mënyrë të pavarur. Por kjo nuk mund të jetë arsye për të ndërprerë punën e policisë dhe prokurorëve për të arrestuar drejtues të rrezikshëm të krimit të organizuar. Koha që Shqipëria të përfundojë punën që ka nisur është tani.

Ambasadori Donald Lu

Ndërkohë pas takimit që zgjati më shumë se 40 minuta, Xhafa dhe Donald Lu janë larguar me makinën e Ambasadorit Amerikan drejt godinës së Task Forcës Operacionale, në kuadër të operacionit “Forca e Ligjit”. Drejtuesit e Task forcës e njohën Ambasadorin Amerikan me organizimin e kësaj strukture, veprimtarinë dhe rezultatet e deritanishme.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ersi: 07/06/2018 16:24

    Me pak fjale mos u merni me budalleqe ka then Lu dhe sna ka then gje te re se kte kane 2 muaj qe ja thon shqiptaret bashes

    Përgjigju
  • afrim: 07/06/2018 16:22

    Thuaja Bashes kte gje se na cau veshet gjithe kto kohe. Sa ishte ne bashki fjeti gjume. Tani qe u fut ne parlament e ka mendjen te dali live. As ai vet nuk e di se cfare po ben me veten e tij

    Përgjigju
  • Dajoshi: 07/06/2018 16:14

    Shqiptaret e dijn po tregoja atyre qe humbasin kohe me kto gjera kur populli i ka votuar per te qen alternativ dhe jo alternativ bllokimi.

    Përgjigju
  • Ani: 07/06/2018 15:01

    Ti z.Lu je i njeanshem sikur e mban pak anen e ministrit qe mos qofte ishalla se te kishte qene ndonje lajm per z. Tahiri kushedi cdo kishe thene ???

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Barcelona ndërmerr veprime ligjore për golin 'fantazmë' kundër Real Madrid në El Clasico (VIDEO)

Barcelona ndërmerr veprime ligjore për golin 'fantazmë' kundër Real Madrid në El Clasico (VIDEO)

24 Prill, 16:00