POP 5

Lajmet më të lexuara të 5 minutave të fundit

100 euro për një votë për LSI, GJKKO dënon me 1 vit burg kandidatin për deputet Etjon Joka! 1 vit edhe për Elis Babon që mori paratë dhe e filmoi momentin

Etjon Joka, ish-kandidati për deputet i LSI në zgjedhjet e 25 prillit, u dënua me një vit burg nga Gjykata e Posaçme nën akuzë për korrupsion zgjedhor. Me 1 vit burg u dënua edhe qytetari që mori lekët nga Joka në këmbim të votës, pasi dëshmia se donte të denonconte korrupsionin zgjedhor nuk bindi gjykatën.

Gjykata e Posaçme ka dënuar me 1 vit ish-kandidatin për deputet i LSI-së në zgjedhjet parlamentare të 25 prillit, Etjon Joka, si edhe personin që mori paratë dhe filmoi ngjarjen, Elis Babo. Ai u gjykua për akuzën e korrupsionit aktiv në zgjedhje, pas videos së shfaqur në një emision investigativ duke i dhënë 100 euro një qytetari në këmbim të votës.

Me dhënien e dënimit, GJKKO pranoi kërkesën e SPAK-ut, që kishte kërkuar 1 vit burg për ish kandidatin e LSI-së më 29 korrik. Joka u provua se shpërndau para gjatë fushatës elektorale kundrejt votës, pasi qarkulloi videoja e filmuar nga Elis Babo i cili ka marrë paratë nga Joka në këmbim të votave. Babo ka deklaruar në seancat gjyqësore se të gjithën e bëri për të denoncuar korrupsionin në zgjedhje, edhe pse ishte në kushte të vështira ekonomike.

Ish-kandidati për deputet nën logon e LSI, përmes avokatit deklaroi disa javë më parë në seancën e pretencës së prokurorisë, se gjithçka është stisur nga kundërshtari politik Alqi Bllako. Në atë kohë, Bllako kandidonte për deputeti i Partisë Socialiste në zonë me Bllakon, aktualisht i arrestuar për dosjen e inveneratorëve.

I renditur i 22 në listat e LSI në Tiranë, kandidati Etjon Joka u shfaq në një video teksa i jepte 100 dollarë Elis Babos, që ishte angazhuar të mbledhë vota për LSI-në. Në videon e filmuar nga vetë Babo, Joka bisedon edhe me një qytetar që i thotë se ka bërë 100 vota, duke përfshirë edhe 12 që i ka bërë gruaja e tij. Ndonëse është kapur me zë dhe me figurë duke vjedhur vota, vetë Joka, pas publikimit të videos tha se gjithçka është e sajuar dhe e montuar. Etjon Joka është reklamuar nga LSI si një prej të rinjve më premtues. 

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ndryshe nga biznesi i vogël profesionet e lira do të tatohen, si ju duket?

Lajme të tjera



×

Lajmi i fundit

Tre vatra të reja zjarri në Fier, njëra i afrohet një stalle

Tre vatra të reja zjarri në Fier, njëra i afrohet një stalle

23 Shtator, 19:36