POP 5

Lajmet më të lexuara të 5 minutave të fundit

Kronikë

Alarm në Britani, zhduken fëmijët
refugjatë, mes tyre edhe shqiptarë

Qindra fëmijë janë shpallur të humbur gjatë këtij viti, mes tyre edhe shqiptarë, pasi kanë shkuar në Mbretërinë e Bashkuar si azilkërkues, raporton gazeta britanike The Observer.
Qindra fëmijë janë shpallur të humbur gjatë këtij viti, mes tyre edhe shqiptarë, pasi kanë shkuar në Mbretërinë e Bashkuar si azilkërkues, raporton gazeta britanike The Observer.

Sipas hetimeve të 132 autoriteteve lokale në të gjithë Anglinë dhe Uellsin, të paktën 340 fëmijë janë zhdukur gjatë përiudhës Janar-Shtator këtë vit dhe më shumë se 900 fëmijë azil-kërkues janë zhdukur gjatë pesë viteve të fundit. Janë 126,000 refugjatë që aktualisht jetojnë në Britani sipas Kryqit të Kuq.

Mbretëria e Bashkuar mori 31,000 kërkesa për azil në 2014, prej të cilave 1,945 ishin fëmijë të ndarë nga prindërit. Shifrat më të larta të këtyre fëmijëve vinin nga Shqipëria, Eritrea, Afganistani, Siria, Vietnami dhe Irani. Autoritetet lokale i tremben idesë se këta fëmijë mund të shfrytëzohen për trafik organesh, për prostitucion, për punë të detyruar, ose mund të kenë përfunduar si të pastrehë dhe të varfër.

Në raportin e The Observer fëmijët vietnamezë paraqiten si më të rrezikuarit, pasi po zhduken me shifra shumë të larta, por edhe fëmijët shqiptarë janë veçanërisht të rrezikuar. Sipas një shoqate bamirësie për fëmijët, numri i fëmijëve shqiptarë që detyrohen të punojnë në Mbretërinë e Bashkuar po rritet.

Në një deklaratë për shtyp, drejtori ekzekutiv i shoqatës ‘Barnardo’, Javed Khan, fëmijët shfrytëzohen për të kryer punë të ndryshme, kryesisht në ndërtim, por pjesa më e madhe shfrytëzohen për aktivitete kriminale si prostitucioni. Khan nuk e specifikoi sa fëmijë shqiptarë punojnë si skllevër ekzaktësisht.

382 shqiptarë kanë aplikuar për azil gjatë këtij viti, 7% më shumë se vitin e kaluar. Organizatat e bamirësisë në Mbretërinë e Bashkuar janë shumë të shqetësuar për sigurinë e minorenëve të pashoqëruar dhe vënë theksin në rëndësinë që ka informimi i fëmijëve rreth të drejtave të tyre.
femije refugjate
Redaksia Online
(m.p/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku