Aleanca Meta-Berisha, Koçi: Është koalicioni i prapakthimit! Lidershipi ‘Non Grata’ bllokon integrimin

TIRANË- Deputeti i Partisë Socialiste, Petro Koçi e ka cilësuar aleancën Berisha-Meta, si koalicioni i prapakthimit. Në një intervistë për ATSH-në, Koçi tha se ky koalicion nuk ofron më asnjë shpresë për të ardhmen, teksa tha se përballë një opozitë të tillë socialistët janë të pakonkurrueshëm.

“Çiftëzimi politik Meta Berisha e njollos imazhin dhe besueshmërinë e opozitës. Ky koalicion është koalicioni i prapakthimit.  Nuk ofron shpresë për përparim. Ofron bashkim të simboleve të korrupsionit dhe kriminalizimit të politikës. Bashkëpunimi i vjetër ilegal Meta Berisha u legalizua fillimisht në 2009 dhe tani nuk përben më lajm. Është vetëm një ricertifikim.

PS është e pakonkurrueshme nga opozita aktuale. Lidershipi ‘Non Grata’ ofron riishullim të Shqipërisë dhe bllokim të integrimit.

LEXO EDHE:
U rrëmbye dhe u zhduk nga SHIK-u i Sali Berishës, emri i një rruge në Tiranë merr emrin Remzi Hoxha

Aftësia e shoqërisë për demokratizim do të komprometohej rënde nëse blloku ‘Non Grata’ do fitonte terren elektoral.  Zgjedhjet lokale i fiton PS.  PS mbetet akoma Fuqia e vetme e Ndryshimit.Partisë Socialiste i mjafton vetëm kaq: të ofrojë kandidatë me integritet të papërfillur, të aftë, institucionale, me shpirt shërbyesi, gjithëpërfshirës. Kjo do garantonte një fitore entuziaste dhe jo si zgjedhje të një të keqeje më të vogël”, tha Koçi.

Ky reagim vjen pasi Partia Demokratike e Rithemelimit dhe Ilir Meta zyrtarizuan aleancën mes tyre. Njoftimi u bë i fitur në përfundim të takimit që u zhvillua në selinë blu, mes Ilir Metës dhe Sali Berishës ku u tha se janë dakordësuar për aksion të përbashkët në zgjedhje, protesta e parlament.

B.K./Shqiptarja.com

TAG:
• zgjedhjet vendore 2023
• koalicioni berisha meta
• sali berisha
• petro koçi