Ambulanca që do transportonte drejt morgut trupin e pajetë të mjekut të vrarë Ilir Alija në Shkodër, ka pësuar defekt dhe për disa minuta me radhë nuk është ndezur. 

Ky skandal është shënuar një natë më parë në lagjen "Qemal Stafa" të kryeqendrës së veriut, pasi ishte ekzekutuar Alija nga 26-vjeçari Dritan Ymeraj. 

Trupi i pajetë i mjekut do transportohej në drejtim të morgut të spitalit të Shkodrës për ekspertizën mjeko-ligjore. 

Ambulanca që u kishte ardhur në ndihmë familjarëve të Ilir Aliaj nuk ndizej, e për pasojë është dashur që policë dhe banorë të lagjes “Qemal Stafa” ta shtyjnë.  

Shqiptarja.com ka mësuar se shkak është bërë një defekt i ambulancës gjë e cila ka shkaktuar edhe vonesën në nisjen e saj drejt spitalit të Shkodrës. 

Redaksia Online
l.q.Shqiptarja.com