Amnistia, zv.drejtori i Burgjeve: Dalin nga burgu 572 persona, shteti ‘fut në xhep’ më shumë 5 mln euro

572 të dënuar pritet të përfitojnë nga amnistia, në projektligjin që tashmë është bërë gati nga ministria e Drejtësisë.

Në një intervistë për emisionin ‘Frontline Intervew’ në Report Tv me gazetaren Marsela Karapanço, Femi Sufaj, zv.drejtor i Burgjeve, tha se përmes kësaj amnistie, përfitojnë dhe përjashtohen nga vuajtja e dënimit, burrat e dënuar me 3 vjet ose më pak, për dënime të dhëna deri më 20 qershor 2023, ndërsa gratë përfitojnë deri në 4 vite dënim.  

‘Është menduar që përfituesit nga kjo amnisti ta kalojnë Vitin e ri pranë njerëzve të tyre të dashur.  Ky draft bazohet në filozofinë e human tetin.  Kriteret përfituese janë orientuar drejt veprave me rrezikshmëri të ulët shoqërore. Për burrat është parashikuar për ata që janë dënuar, deri në 3 vite dhe për gra dhe të mitur deri në 4 vite.’- tha Sufaj.

Ndërkohë nga lirimi i tyre shteti do të kursejë rreth 5 mln euro.

‘Kursejmë për një vit rreth 5 mln euro. Vetëm nga lirimi i këtyre personave impakti është 5 mln euro nga përllogaritjet.’- tha Sufaj.

Nuk përfitojnë zbritje të dënimit, të dënuarit me burgim të përjetshëm, vendimi të dhëna nga Gjykata e Posaçme Kundër Korrupsionit dhe Krimit të Organizuar.

‘Nëse kanë qenë subjekte të SPAK-ut nuk përfitojnë. Duhet të stimulohet drejtësia dhe organet e reja të drejtësisë.’- tha Sufaj.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Debati me Meritonin, Fation Kuqari merr vendimin, largohet nga BBV

Debati me Meritonin, Fation Kuqari merr vendimin, largohet nga BBV