POP 5

Lajmet më të lexuara të 5 minutave të fundit

Politikë

Analiza e humbjes, figurat që
rrezikohen ‘prerje kokash’ në PD

Kreu i PD paralajmëron se ka ardhur ora e analizës dhe e përgjegjësive, mesazhi për krerët e degëve dhe kundërshtarët. Nis fushata për kryetarin e ri të PD.  VIDEO
Analiza e humbjes, figurat që<br />rrezikohen ‘prerje kokash’ në PD
Është koha e analizës dhe e përgjegjësive. Kjo ishte kryefjala paralajmëruese e Lulzim Bashës, në takimin e parë, në kuadër fushatës zgjedhore për kreun e Partisë Demokratike. Mesazhi tingëllon për dy grupe konkrete: Për ata që u ngarkuan me detyra gjatë fushatës dhe për ata që dolën kundër kryetarit para dhe pas zgjedhjeve të 25 Qershorit.

Kështu, humbja dramatike në zgjedhjet parlamentare të 25 Qershorit pritet të prodhojë disa efekte të pashmangshme në Partinë Demokratike, në kuadër të analizës së humbjes, ndarjes së përgjegjësive dhe procesit të ringritjen së partisë. Përpos dorëheqjeve të natyrshme nga forumet e larta të Partisë Demokratike, pritet një tjetër lëvizjet: Ndëshkimet. Teksa dorëheqja e fundit është shënuar ditën e mërkurë, ndëshkimet do të nisin pas zgjedhjeve për kryetarin.

Tashmë ka një listë me funksionarë të Partisë Demokratike që rrezikohen të përjashtohen nga forumet e PD pas zgjedhjes së kryetarit. Së pari, 25 deputetë të PD, të përjashtuar nga parlamenti i ri, me humbjen e mandatit në shtator, sipas statuti të PD, përjashtohen automatikisht nga Kuvendi Kombëtar dhe Këshilli Kombëtar, dy organet më të rëndësishme të Partisë Demokratike. Ata janë pjesë e forumeve të larta vetëm për shkak të statutit të deputetit. Ata janë Astrit Patozi, Arben Imami, Eduard Selami, Jozefina Topalli, Majlinda Bregu, Ridvan Bode, Keltis Kruja, Genc Ruli etj. Të lartpërmendurit janë akuzuar publikisht nga mbështetësit e Bashës për sabotimin e PD në zgjedhje.

Grupi i dytë  
Grupi tjetër i rrezikuar janë disa drejtues departamentesh dhe sekretarësh, të cilët kërkuan, me anë të një peticioni, dorëheqjen e Lulzim Bashës. Ata, për shkak të pozicioneve drejtuese në departamente dhe sekretariate, janë anëtarë të Kryesisë së PD. Peticionin për dorëheqjen e Lulzim Bashës e kanë firmosur Suzana Guxholli, drejtuese e Departamentit të Energjisë dhe Burimeve Natyrore, Bardhi Kadilli, sekretar për Burimet Njerëzore, Eno Bozdo, sekretar për Organizimin, Kreshnik Çollaku, kreu i Departamentin të Politikës së Jashtme, Sherefedin Shehu, në krye të Departamentit të Financave Publike, Avenir Peka, drejtues i Departamentit të Sigurisë Kombëtare, Edit’h Harxhi, anëtare e Kryesisë së PD, Endira Bushati, drejtuese e Departamentit të Administratës Publike etj. Peticioni është firmosur nga mbi 100 figura, por jo të gjithë janë pjesë e strukturave të larta të PD.

Krerët e degëve
Kryetarët e degëve të Partisë Demokratike, të cilat kanë një rezultat negativ në raport me zgjedhjet e 2013, janë gjithashtu të ekspozuar ndaj ndryshimeve në PD. Partia Demokratike, në zgjedhjet e 25 Qershorit 2017, ka marrë rreth 200 mijë vota më pak se sa në zgjedhjet e parlamentare të 2013. Votat mungojnë në gati 50 degë të kësaj partie, ndërsa një pjesë e përgjegjësisë bie edhe mbi kryetarët e degëve të PD. Konkretisht, më të rrezikuar janë krerët e degëve të PD në Korçë, Shkodër, Elbasan, Berat, Dibër, Kukës, Lezhë dhe Tiranë, ku humbja e PD është më e thellë. Pas humbjes së zgjedhjeve lokale, pati një konflikt politik mes kupolës së lartë drejtuese të PD dhe krerëve të degëve. Konflikti u shuan me afrimin e zgjedhjeve parlamentare, por gjasat janë që të kthehet në një formë edhe më të ashpër.
 
 
 
Kategoritë e zyrtarëve të PD që rrezikojnë të ndëshkohen
 
Deputetët aktualë që përjashtohen automatikisht nga Kuvendi dhe Këshilli Kombëtar i PD
Jozefina Topalli
Majlinda Bregu
Eduard Selami
Ridvan Bode
Astrit Patozi
Arben Imami
Keltis Kruja
Enno Bozdo
Asllan Dogjani
Kastriot Islami
Myqerem Tafaj
Bedri Hoxha
Roland Keta
Igli Cara
Kozma Dashi
Bedri Mihaj
Arbiola Halimi
Genc Ruli
Eleina Qirici
Gjergji Papa
Mimoza Hajdarmataj
Albina Deda
Gjovalin Bzhetaj
Irma Kopliku
Liljana Elmazi
 
 
Njerëzit e lidershipit të PD që dolën kundër Lulzim Bashës
Suzana Guxholli, anëtar i Kryesisë së PD, Departamenti i Energjisë dhe Burimeve Natyrore
Bardhi Kadilli, Sekretariati për Burimet Njerëzore
Eno Bozdo, Sekretariati për Organizimin
Valbona Mezini, Sekretariati me Organizatat Partnere
Nevila Xhindi, Sekretariati për Shoqërinë Civile fituese
Kreshnik Çollaku, kreu i Departamentin të Politikës së Jashtme
Evin Minarolli, krye të Departamentit të Infrastrukturës dhe Transportit
Sherefedin Shehu, në krye të Departamentit të Financave Publike dhe Tregut Financiar
Avenir Peka, anëtar i Kryesisë së PD, Departamenti i Sigurisë Kombëtare
Edit’h Harxhi, anëtar i Kryesisë së PD,
Arben Skënderi, anëtar i Kryesisë së PD, Departamenti i Kulturës, Rinisë dhe Sportit
Edvin Kulluri, anëtar i Kryesisë së PD,
Endira Bushati, anëtar i Kryesisë së PD, Departamenti i Administratës Publikë
Fabian Topollaj, anëtar i Kryesisë së PD
Gent Malko, anëtar i Kryesisë së PD
Grigels Muçollari, anëtar i Kryesisë së PD
Gent Minarolli, anëtar i Kryesisë së PD
Gjergj Lezhja, anëtar i Kryesisë së PD
Julian Deda, anëtar i Kryesisë së PD
Juela Meçani, anëtar i Kryesisë së PD
Leonard Olli, anëtar i Kryesisë së PD
Ledina Aliolli, anëtar i Kryesisë së PD
Mirgen Lata, anëtar i Kryesisë së PD
Valbona Mezini, anëtar i Kryesisë së PD
Tomorr Alizoti, anëtar i Kryesisë së PD
 
 
Krerët e degëve të PD në zonat humbëse
Korçë, Andrea Mano
Shkodër, Ramiz Çobaj
Elbasan, Aurel Bylykbashi
Berat, Gazmend Azizi
Dibër, Rahim Kaleci
Mat, Alfred Ahmetcenaj
Kukës, Arif Rexhmati
Lezhë, Paulin Marku
Bulqizë, Durim Balla
Devoll, Arben Miza
Fier, Luan Baçi
Gjirokastër, Roland Bejko
Has, Miftar Dauti
Kolonjë, Viktor Duro
Kurbin, Altin Gjoni
Librazhd, Bujar Vreto
Lushnje, Myslym Murrizi
Ballsh, Arjan Llanaj
Mirditë, Bardhok Filopati
Patos, Luan Mustafaj
Peqin, Diell Çela
Pukë, Prel Gjoni
Pogradec, Renato Preza
Tepelenë, Veip Çela
Tiranë, Dilaver Laçi
Tiranë, Albert Faruku
Tiranë, Uran Metko
Tiranë, Ervin Goxhaj
Tiranë, Ndriçim Babasi
Tiranë, Astrit Xake
Tiranë, Lefter Kostenja
Tiranë, Ervis Xhako
Tiranë, Saimir Mulgeci
Tiranë, Eduart Kelmendi
Tiranë, Florian Lila
Tiranë, Arben Shazo
Tiranë, Lulzim Vrana




dy.b/shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Giro d’Italia 2025’ nis nga Shqipëria, jehonë në mediat e huaja

‘Giro d’Italia 2025’ nis nga Shqipëria, jehonë në mediat e huaja

26 Dhjetor, 08:14