POP 5

Lajmet më të lexuara të 5 minutave të fundit

Kronikë

‘Anëtari i KLP-së sigurims‘/ Drejtuesja e ‘Dosjeve’: Nuk ka ngatërrim për Sheshin, janë kapur edhe 30 zyrtarë të tjerë

Drejtuesja e Autoritetit për Informimin mbi Dokumentet e Ish-Sigurimit të Shtetit  deklaroi se i qëndron shkresës së dërguar prokurorisë së Përgjithshme nga institucioni që drejton, nga ku rezulton se Sheshi ka qenë ish-bashkëpunëtor i sigurimit të shtetit.

TIRANE-Drejtuesja e Autoritetit për Informimin mbi Dokumentet e Ish-Sigurimit të Shtetit (AIDSSH) Gentiana Sula ka reaguar për herë të parë pas vendimit të prokurorit Bujar Sheshi për ta kallëzuar penalisht (lexo këtu). Sula u shpreh se i qëndron shkresës së dërguar prokurorisë së Përgjithshme nga institucioni që drejton, nga ku rezulton se Sheshi ka qenë ish-bashkëpunëtor i sigurimit të shtetit. Gjithashtu Sula theksoi se në 2 vitet e fundit është bërë verifikimi i të paktën 1500 figurave të rëndësishme dhe 30 janë gjetur me probleme.

“Jemi të hapur për cdo hetim, procesi ka qenë i drejtë, janë marrë masat, është i dokumentuar mirë. Pretendimi mbi ngatërrimin e gjeneraliteteve? Autoriteti si organ kolegjial ka bërë verifikimet. Personi ka të drejtë e animimit. Nuk ka axhendë politike, do të bëjmë punën kështu sikur po e bëjmë. Na vjen keq që vendimi ka dalë në shtyp. Për organet e larta të drejtësisë kemi verifikuar rreth 550 figura dhe 4 prej tyre janë gjetur me probleme. Në dokumentet e sigurimit nga 1500 figura rreth 30 janë gjetur me probleme” deklaroi Sula.

Deklaratën drejtuesja e Autoritetit të Hapjes së Dosjeve e bëri gjatë një aktiviteti ku e pranishme ishte edhe ambasadorja e Gjermanisë në Shqipëri. Susanne Schütz foli për procesin e hapjes së dosjeve në Shqipëri. “Hapja e dosjeve po ecën përpara, ndoshta në mënyrë të ngadaltë, por po ecën përpara. Përshëndes përpjekjet e Shqipërisë që nuk po e le në prehje të shkuarën” theksoi ambasadorja.  

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Kryemadhi: Unë jam një prej tradhtarëve! PL s’ka nevojë për prerje kokash, nuk ka ç’të presë

Kryemadhi: Unë jam një prej tradhtarëve! PL s’ka nevojë për prerje kokash, nuk ka ç’të presë

19 Prill, 19:21