Anila Çela vjen me një tjetër vision
 

Emisioni “Ora 5” në Vizion Plus, tashmë është riformatuar, për të ardhur me një konceptim tërësisht tëri. Jo vetëm orari ka ndryshuar, por edhe prezantimi dhe studio. “Emisioni i pasdites në Vizion Plus këtë sezon rikthehet me shumë ndryshime. Dhe i pari është titulli i programit “Vizioni i Pasdites”. Një emision që do të vijë krejtësisht i ndryshuar në gjithçka.

Që nga orari i transmetimit që do të nisë live ne 16:30 e deri 18:10 çdo ditë nga e hëna në të premte. Nën produksionin e Holta Dulakut pasditja do të vijë edhe në një skenografi te re. Ndryshime do të ketë në formë e përmbajtje. Si edhe një tjetër risi e këtij sezoni do të jetë edhe bashkëprezantuesi im, nuk do të jem vetëm në studio gjatë këtij sezoni”, -ka thënë Anila Çela.



Ndërsa sa u përket sfidave ajo ka thënë “Kam shumë. E para eshtë bashkëprezantimi me një partner në studio. Këtë më shumë e quaj ekperiencë të re. Që në momentin që bëhem gati të nis një sezon të ri, të gjatë, të perditshëm, LIVE i kam hyrë nje sfide të madhe”. Ndërkohë në krah të saj në këtë vision të ri do të jetë si prezantues Arbër Kadia.

Redaksia Online
(Xhulia Karavella/shqiptarja.com)