Eqrem Çabeji, që ishte bërë i njohur në rrethet shkencore europiane qysh në rininë e tij në 1930-n, krahas Joklit e Mayer-it, harrohet nga institucionet e vendit të tij. 110-vjetori i lindjes se Eqrem Çabejit është detyrim i Akademisë së Shkencave të Shqipërisë që të manifestohet si një jubile madhështor, ku kjo Akademi “për të justifikuar” përgjumjen e saj të gjatë, e kishte sot më shumë se kurrë rastin që me një simpozium shkencor në nder të tij, të hidhte një hap pozitiv për vetë gjuhën shqipe që “Ta ruajmë gjuhën, mos të bdaret e bastardohet”, siç thoshte Pjetër Budi.
Këto detyrime, me sa duket janë punë të mëdha për një Akademi ende të pareformuar, e që përgjegjësinë e drejtimit ia ka ngarkuar sekretarit të saj Vaso Tole.
Tole nga ana e vet, si studiues i muzikologjisë kujtohet vetëm për jubiletë e kompozitorëve të shquar, të cilët pasqyrohen në çdo përvjetor rregullisht në faqen zyrtare të Akademisë së Shkencave. Por kështu, si me korifejtë e fushës që përfaqëson vet ai, duhej të mbante përgjegjesinë e përfaqësimit të të gjithë korifejeve të shkencës shqiptare, sidmos tani që i kanë lënë mbi supe drejtimin e Akademisë përgjatë “makthit” të një reformimi, që duket sikur nuk do të ndodh kurrë…
Ishte detyrë e kësaj Akademie që minimalisht, duke punuar, edhe jo nga zyra, por nga ekrani i një smartphone të hidhte në faqen zyrtare të Akademisë një fotografi dhe një përkujtimore të jetës dhe veprës së Eqrem Çabejit. Por as kjo nuk u bë…!
Shkurt Akademia e Shkencave, por edhe Instituti Albanaologjkë kanë harruar çdo lidhje të vërtetë intelektuale me institucionin për të cilin punojnë, përpos ndonjë interesi për të marrë honorare. Mbi të gjitha, akademikët kanë harruar vetë themelet mbi të cilat u ngrit Akademia e Shkencave të Shqipërisë- Gjuhësia dhe Albanologjia!
Lënia në harresë e Eqrem Çabejit nuk ka lidhje me refomën që pretendon institucioni, por me vet “antireformën”, pra nuk është nuk është gjë tjetrë veçse një riciklim i variantit burokratik, që dikur i vinte fletërrufe Eqrem Çabejit dhe e përjashtonte nga katedrat e Universiteteve dhe që ka sjellë prej dekadash vetëm shkatërrimin e kësaj akademie.
Lajme të tjera
-
Kërkimi shkencor/ Zhupa: Bie ndesh me Kushtetutën, Shqipëria shkon drejt regresit në fushën e shkencës
18 Tetor, 19:36 -
Fatos Çoçoli: Koha e duhur për ministri për shkencën
7 Tetor, 08:33
-
100-vjetori i lindjes së Jakov Xoxës/ Shkrimtari kujtohet dhe nderohet në Akademinë e Shkencave
10 Maj, 18:35
-
Ligji për Akademinë e Shkencave përfundon në Kushtetuese, Zhupa dorëzon padiën: Nga ‘Basha’ firmos Nebiaj, Açka jo!
10 Maj, 15:27 -
'Padi në Gjykatë Kushtetuese', Ina Zhupa: Ndryshimet ligjore për Akademinë e Shkencave antikushtetuese
24 Prill, 15:46 -
Libri akademik e shkencor, Shqipëria e Kosova në Panair! Shaban Sinani: Ja ku shkojnë botimet tona! Krizat politike?! Mehmet Kraja: Ne vazhdojmë punën!
23 Prill, 15:50
-
Shefja e ChatGPT, Ermira Murati, pjesë e Akademisë së Shkencave të Shqipërisë! Miratohen akademikët e rinj, mes tyre dhe Lea Ypi e Angjelin Prelocaj
22 Prill, 16:12 -
Akademia e Shkencave do të mbajë një aktivitet për piktorin Lekë Tasi
27 Shkurt, 17:55 -
Viti 2024/ 385,88 milonë lekë për Akademinë dhe Institutet tek "Shkencat"! Synohen ambiente më të zgjeruara dhe një muze i madh arkeologjik!
23 Shkurt, 22:29 -
Akademia e Shkencave bën bilancin e 2023, prezanton projektet e këtij viti: Premton të forcojë rolin e saj në arsim, kërkon më shumë vëmendje nga politika
23 Shkurt, 19:53
-
Akademia e Shkencave shkarkon drejtorët e instituteve në gjysmën e mandatit, emëron të rinj (EMRAT)
11 Janar, 14:42 -
Akademia e Shkencave miraton Statutin e ri, pati kundërshtime pasi ligji për ‘Shkencat’ s’ka kaluar ende në qeveri
10 Janar, 12:31
