Antishtetasit e fundit në reanimacionin e Dr. Berishës

Nuk kemi bërë ende një Shtet të denjë europian, por ama, shumë nga ne po përpiqen dita ditës. Ashtu në joperfektësinë tonë, në profesionet që përfaqësojmë, mes gabimesh dhe suksesesh; viktima stërkëmbshash, deformimesh, urrejtjesh e shpifjesh, por është i qartë si qelibari se kush kërkon t’ja ngrejë kokën Shqipërisë njëherë e mirë.

Hutohemi dhe harrojmë shpejt, të trullosur përditë nga agresiviteti i skajshëm i deklaratave “bombë”, që shpesh hidhen nga individë për të krijuar tymin që dëshirojnë. Me sa vështirësi dhe urrejtje arritëm deri këtu. Mediat, agjencitë e para botërore në fushën e turizmit kanë nisur në ditët e para të janarit të japin trendet e udhëtimit për 2022 dhe Shqipëria është sërish në listë: diku për Mrizin e Zanave, diku për natyrën, diku për Bunk’Art, diku për mikpritjen në një kullë, ekspertët më të mirë në botë sygjerojnë turistët të mos e humbin një udhëtim në vendin tonë. Po bëhemi me vështirësi një shtet europian, por mikpritja dhe talenti i shqiptarëve për të krijuar realitete të mira, ka mbërritur ndërkohë në sy e veshë që na promovojnë.

E ndërkohë që Shqipëria ringrihet pas goditjeve hileqare nga disa njerëz që për vite e vite i mbajti në piedestal, ky grusht i vogël antishtetas vazhdon përpjekjet e fundit për të realizuar atë që më të shtrenjtë ka: Katandisjen e Shtetit në një fis, klan, ku privilegjet pa kufi t’u përkasin atyre sic i mbajtën të mbërthyera vite më parë, e të jetojnë kështu nën ombrellën e mbrojtjeve dhe dyrve të hapura vetëm për ta.

Sot dallohen e kuptohen kush janë: Të grumbulluar në reanimacionin e fundit të Doktor Berishës ushqehen me tubat e iluzionit të antishtetasit më të fundit të mbetur në Ballkan.

a.m./Shqiptarja.com

TAG:
• PD
• sali berisha