POP 5

Lajmet më të lexuara të 5 minutave të fundit

Politikë

Apeli i dha partinë Alibeajt, Belind Këlliçi nuk dorëzohet, vazhdon takimet elektorale: Vulën e vënë shqiptarët me 14 maj

Kandidati i Sali Berishës për Bashkinë e Tiranës për zgjedhjet vendore vijon të zhvillojë takimet me qytetarët, ndonëse një ditë më parë Gjykata e Apelit i dha vulën e Partisë grupit të Ekelejd Alibeajt.

Apeli i dha partinë Alibeajt, Belind Këlliçi nuk dorëzohet, vazhdon takimet elektorale: Vulën e vënë shqiptarët me 14 maj

Kandidati i Sali Berishës për Bashkinë e Tiranës për zgjedhjet vendore vijon të zhvillojë takimet me qytetarët, ndonëse një ditë më parë Gjykata e Apelit i dha vulën e Partisë grupit të Ekelejd Alibeajt.

Teksa ka ndarë disa foto nga takimet, Këlliçi i cili nuk futet dot në garën elektorale me logon e Partisë Demokratike, thotë se do vazhdojë takimet deri në fshatin më ta largët. Ai shkruan se vulën do e vendosin shqiptarët më 14 maj.

“Unë me ekipin tim do të shkojmë në fshatin më të largët, deri ku të gjejmë shtëpinë e fundit të banuar, për t'i dhënë mundësinë çdokujt të dëgjohet. Vulën e vënë shqiptarët më 14 maj”, shkruan Këlliçi.

Ende pa një vendim se si do të arrijnë deri te regjistrimi në KQZ, Sali Berisha do t’i mbledhë kandidatët e tij të dielën në selinë blu. Një mundësi e ka të hapur, me aleatin e tij Ilir Metën, që kërkesën për të regjistruar Partinë e Lirisë për zgjedhjet lokale të 14 majit e bëri ende pa pritur vendimin e Apelit për vulën e PD. Pra shansi i parë i Berishës është që kandidatët e primareve t’i regjistrojë nën siglën e një koalicioni të Partisë së Lirisë me parti të tjera aleate.

Pas një seance maratonë, Gjykata e Apelit, vendosi dje rrëzimin e vendimit të Agron Zhurkit  të datës 25 mars 2022 dhe kthimin e çështjes për rigjykim në Shkallën e Parë me trupë gjykuese tjetër. Pas këtij vendimi, ajo që vendosi Agron Zhukri konsiderohet nul dhe çështja kthehet në shkallë të parë. Tashmë vula, sigla, logoja e Partisë Demokratike i mbetet Lulzim Bashës, se zyrtarisht ai është i regjistruar në Gjykatën e Tiranës, dhe pritet që të jetë grupi i Alibeajt që të regjistrohet me logon e forcës më të madhe opozitare në vend për zgjedhjet e ardhshme të 14 majit.  Me unanimet të plotë trupa gjykuese e Apelit, e përbërë nga relatore Elona Mihali dhe anëtarë Astrit Kalaja dhe Irida Kacerja, prishi vendimin e Zhukrit. 

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jimmy: 04/03/2023 20:20

    Ore me vjen keq per kete krricin me cfare sigle do kandidoje!!me ate te gores!!

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55