LSI ankimon në KAS qarkun Berat, Ardit Çela ende shpresë për të marrë mandat: Është i yni, na u vodh nga manipulimi i votës

LSI ankimon në KAS qarkun Berat, Ardit Çela ende shpresë për të marrë mandat: Është i yni, na u vodh nga manipulimi i votës

Drejtuesi politik i LSI për qarkun e Beratit, Ardit Çela, i cili ishte renditur i pari në listë, ka ende shpresa se mund ta marrë mandatin, pas ankimit që LSI bëri ditën e sotme në KAS për qarkun e Beratit. Me një postim në Facebook, Çela shkruan se në Berat LSI humbi mandatin për pak vota dhe kjo ndodhi nga manipulimi që u bën në qendra votimi në këtë qark. Ai shkruan se nga këqyrja e pamjeve filmike në mbi 100 qendra, duket haptazi, mospërputhja e votave të LSI që ndodhen në kuti, me pasqyrimin në procesverbal dhe në sistemin e KQZ.

"Mandati është i LSI! Sot paraqitëm pranë Komisionit të Ankimimeve dhe Sanksioneve – KAS, në KQZ, kërkesën tonë për pavlefshmëri të rezultatit në disa qendra votimi për shkak të mbushjes së kutive, si edhe rinumërim të mbi 100 QV, ku dukshëm në procesverbalet e KQZ ka deformim të votës në disfavor të LSI, të dala nga këqyrja e pamjeve filmike. Theksoj se, nuk janë thjesht pretendime, por fakte dhe prova të paraqitura dhe të marra nga procesverbalet e grupeve të numërimit, si edhe nga shënimet e firmosura nga të gjithë anëtarët e komisioneve në ZAZ-të përkatëse përfshirë ata të PS, në librin zyrtar të protokollit të mbajtur nga KZAZ-të. Mospërputhja e fletëve të votimit, me numrin e votuesve ( mbushje kutish), e bënë rezultatin e atyre QV të pavlefshëm. Ndërkohë nga këqyrja e pamjeve filmike në mbi 100 qendra, duket haptazi, mospërputhja e votave të LSI që ndodhen në kuti, me pasqyrimin në procesverbal dhe në sistemin e KQZ. Njëkohësisht duket qartë shtimi i votave për subjektin PS, në raport me çfarë ka realisht. Në vijim do njiheni edhe me video përkatëse nga procesi i numërimit. Mandati është i mijëra votuesve të LSI në Berat, që i rezistuan represionit dhe masakrës së kryer nga pushteti i bërë njësh me bandat", shkruan Çela.

LSI ankimoi ditën e sotme në KAS rezultatin e zgjedhjeve në qarkun e Beratit duke kërkuar rivotim, pasi  sipas pamjeve filmike dhe provave të mbledhura nga komisionerët e LSI, janë të paktën 80 vota të vlefshme që i janë marrë duke ndikuar në shpërndarjen e mandatiit.  Kujtojmë se në deklaratën për mediat pas përfundimit të votimit të votave, kryetarja e LSI-së, Monika Kryemadhi hodhi akuza për parregullsi, ku tha se në qarku e Beratit, sipas saj, rezultati u tjetërsua për 30 vota që "në të qindtën e sekondës, i hoqën mandatin Ardit Çelës dhe duke ja dhënë Blendi Klosit".

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • hahhah: 09/05/2021 21:14

    nuk e kuptoj si mund te kuptosh nga pamjet kush voton per LSI dhe kush per PD apo PS ?????? na habiten. ose e din qe kane dhene leket personave te caktuar dhe prandaj nuk i del hesapi....

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete