POP 5

Lajmet më të lexuara të 5 minutave të fundit

Periferi

Aristoteli i mërzitur

Nëse sot, virtualisht, do të mblidheshin në forume e simpoziume Sokrati, Platoni a Aristoteli, ata do të ishin tepër të mërzitur me ne njerëzit modernë e të pagdhendur në ndjenja e virtyre, si të kishim dalë nga guvat primitive të komunikimit.
Aristoteli i mërzitur

Filozofi grek, Aristoteli

Fqinjët tanë, grekët e lashtë, jo shumë larg trojeve shqiptare, e nisën herët dialogun mbi vëzhgimin dhe njohjen thellë të natyrës njerëzore. Sokrati, Platoni, Aristoteli, Glaukoni, Trasimaku etj. biseduan gjatë mbi dobësitë njerëzore dhe domosdoshmërinë e ligjeve të ngritura mbi virtyte që do të rregullonin bashkëjetesën mes njerëzve e do të pengonin triumfin e instikteve të ulëta, mbi ato të lartat, më të fismet. Sipas Aristotelit, politika ka për detyrë të promovojë virtytet, ndaj të cilave njerëzit kanë vështirësi të afrohen.  

Duke nënvizuar Republikën e Platonit, në shumë rreshta e paragrafe, të vjen në mendje një paralelizëm i përpjekjes së filozofëve të lashtë për të gjetur një zgjidhje në kaosin e asaj kohe të largët, me dalldinë e sotme, në çoroditjen e vlerave e të vërtetave, që ka kapur planetin, pas shpërthimit të rrjeteve sociale.

E gjithë kjo çorbë do të bëjë që natyrshëm të lindin, ndoshta jo tamam baballarët e mendimit filozofik si Platoni e Sokrati etj. por me siguri, njerëz të zgjedhur dhe me inteligjencë e virtyte, që të mendojnë, të kenë vullnetin e të gjejnë zgjidhje për këtë gjendje kaotike mendimi dhe të vërtetash false që sundon planetin, e sigurisht edhe "katundin" tonë të ëmbël, Shqipërinë.

Perceptohet mes disave një përpjekje për të luftuar qëllimet e këqija, lajmet e gënjeshtërta, fake news e të tjera sajime individuale apo të organizuara, por është ende një përpjekje e brishtë, pa një rezultat mbërthyes për një kategori qëllimkëqinjsh e të pavirtytshmish që plluskojnë në rrjete e në shoqëri.

E nëse shihen grimca propozimesh, është e qartë si drita, ose më mirë si nata në një provincë pa dritë, që ata që e kundërshtojnë rregullimin dhe filtrimin e gënjeshtarëve, indinjohen ende pa dëgjuar. Vetëm ideja se përmes një ligji, një rregullimi apo disiplinimi, do të mundet të reduktohet pasioni gënjeshtar i profesionistëve dhe prodhuesve të shpifjeve dhe fake news, ua ngre qimet përpjetë më të përkushtuarve.

Dy janë rrugët për të përmirësuar gjendjen alarmante të falsiteteve dhe të njerëzve qëllimkëqinj: Ose individualisht ne shqiptarët do të mprehim aftësinë tonë për të filtruar informacionet dhe për të bllokuar, fikur, këdo që edhe njëherë të vetme ka shpërndarë informacione false, apo shpifje e lëndime qëllimisht, ose, në këtë dëshirë e përpjekje për shtetformim, të kemi ligje që pengojnë manipuluesit, mashtruesit, shfrytëzuesit, jo fjalën dhe mendimin e lirë.

Nëse sot, virtualisht, do të mblidheshin në forume e simpoziume Sokrati, Platoni a Aristoteli, ata do të ishin tepër të mërzitur me ne njerëzit modernë e të pagdhendur në ndjenja e virtyre, si të kishim dalë nga guvat primitive të komunikimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56