POP 5

Lajmet më të lexuara të 5 minutave të fundit

Kultura

Arkivi i Shtetit nis digjitalizimin e ‘sekreteve’ të komunitetit katolik (VIDEO)

Drejtoria e Përgjithshme e Arkivave nënshkroi sot një marrëveshje bashkëpunimi për digjitalizimin e procesit të digjitalizimit të fondeve arkivore të komunitetit katolik, që përbëhet nga rreth 800 imazhe. Materialet që do të digjitalizohen kanë rëndësi të madhe kulturore kombëtare edhe shtrihen nga shekulli XVI deri në vitin 1967

Materiale fetare të mirëfillta, të hierarkisë kishtare të kishës katolike, regjistra pagëzimi, por edhe materiale me rëndësi të madhe kulturore të fretërve të kishës katolike në Shqipëri, që kanë dhënë kontribut të madh për kombin tonë do të digjitalizohen. Drejtori i drejtorisë së Përgjithshme të Arkivave, Ardit Bido pas nënshkrimit të marrëveshjes me ipeshkëvin e Rrëshenit, Dom Gjergj Metën, na tregon se dokumentet i përkasin kishës katolike nga shekulli i XVI deri në shekullin XX, viti 1967, vit kur regjimi komunist mori masa ekstreme ndaj komuniteteve fetare në vend.
“Nënshkruam një marrëveshje të rëndësishme në disa aspekte. Në radhë të parë është korrigjimi i një vije të përbashkët, ku dokumentacioni që u është sekuestruar komuniteteve fetare u rikthehet në formë të digjitalizuar. Marrëveshja përfshin materiale nga viti XVI deri në vitin 1967”, thotë Bido.

Dom Gjergj Meta e krahason arkivin me një oqean. Por sipas tij, sikundër ka pasur ushtarë të regjimit komunist, që i kanë djegur materialet në vitin 1967 ka pasur edhe njerëz që i kanë ruajtur ato. Prandaj, Dom Gjergj Meta e konsideron arritje, që njerëzit do të kenë akses tek romani i parë shqiptar i Dom Ndoc Nikajt, tek dramat e poetit Gjergj Fishta dhe poezitë e Vinçenc Prendushi.

“Është një padrejtësi historike, që i është bërë kishës katolike edhe tani po riparohet nga Arkivi Qendror i Shtetit. Por, po rikuperohet edhe falë faktit se ka pasur njerëz të ndjeshëm që shumë dokumente i kanë ruajtur”, thotë Dom Gjergj Meta.

Digjitalizimi i dokumenteve të komunitetit katolik do të shërbejë që studiuesit të kenë mundësi për të rindërtuar edhe rishkruar historinë e mohuar  nga regjimi komunist.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Anastas Janullatos që nuk keni njohur! Faktet në Esencë-Report Tv

Anastas Janullatos që nuk keni njohur! Faktet në Esencë-Report Tv

25 Dhjetor, 22:34 nga Eljan Tanini