POP 5

Lajmet më të lexuara të 5 minutave të fundit

Sport

Armando Broja rikthehet pas 7 muajsh, Everton fiton 4-0! Man. City ‘shkelmon’ krizën me tre gola, Liverpool 3-3 mes dramës! Arsenal thyen 2-0 Man. United, Chelsea me hapa kampioni

Premier League e futbollit në Angli zhvilloi këtë të mërkurë disa nga ndeshjet e raundit të 14-të, me sfidat që u spostuan në mesjavë.

Premier League e futbollit në Angli zhvilloi këtë të mërkurë disa nga ndeshjet e raundit të 14-të, me sfidat që u spostuan në mesjavë. Rezultate surprizë dhe gola me shumicë në Angli, teksa ra në sy rikthimi te tri pikët për Man. Cityn, pas shtatë ndeshjeve me gjashtë humbje dhe një barazim. Ndërkohë që Armando Broja mori minutat e para me Evertonin në Premier League.

Në ‘Etihad’ Manchester City mposhti 3-0 Nottingham. Silva dhe De Bruyne në pjesën e parë edhe Doku në të dytën ishin autorët e golave që nxorën nga kriza djemtë e Guardiolës, të cilët duket se do rihapin garën për vendin e parë.

Newcastle dhe Liverpool barazuan 3-3 në një ndeshje të çmendur. Isak, Gordon dhe Schar shënuan për vendasit, ndërsa Jones dhe Salah barazuan përkohësisht, teksa Liverpool gjeti avantazhin po me Salah shtatë minuta nga fundi i ndeshjes, por u barazuan në limite. Të kuqtë vijojnë të jenë në krye.

Në ‘St. Mary’ vendasit e Southampton u mposhtën 1-5 nga Chelsea. Disasi, Nkunku, Madueke, Palmer dhe Sancho shënuan për londinezët, ndërsa Aribo gjeti golin e vetëm te vendasit.

Ndeshje për ata me zemër të fortë në ‘Emirates’, aty ku Arsenali mposhti 2-0 Manchester United. Golat e ndeshjes u shënuan në pjesën e dytë nga Timber dhe Saliba.

Në ‘Goodison’ Evertoni mposhti 4-0 Wolvesin. Young u bë shënuesi më i vjetër që gjen golin nga goditja e dënimit, ndërsa Mangala dhe dy autogola të Dauson vendosën ndeshjen. Në minutën e 83 kishte vend edhe për Armando Brojën, që debuton me fanellën e Everton në Premier League.

Liverpool kryeson renditjen, ndjekur nga Chelsea, Arsenal dhe Man. City. Këtë të enjte luhen ndeshjet e radhës.

Premier League, raundi 14-të – E mërkurë:

Everton  4-0 Wolves

Manchester City 3-0 Nottingham

Newcastle 3-3 Liverpool

Southampton 1-5 Chelsea

Arsenal 2-0 Manchester United

Aston Villa 3-1 Brentford

E enjte

Fulham – Brighton

Bournemouth - Tottenham

Renditja:

S.Dh/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Sarandë/ Dita e Ujit të Bekuar, momenti kur i riu kap kryqin në det

Sarandë/ Dita e Ujit të Bekuar, momenti kur i riu kap kryqin në det

6 Janar, 12:27