“Ose bëhet fjalë për paaftësi të Ministrisë së Punëve e të Brendshme, ose bëhet fjalë për marrëveshje me qeverinë e Zaevit”.
Kështu është deklaruar deputeti i krahut opozitar në Maqedoni, i VMRO-DPMNE-së, Vllatko Gjorçev, i cili ka thënë së fundmi se ekzistojnë dy variante shpjeguese për arratisjen e ish-kryeministri maqedonas, Nikolla Gruevski, i cili prej disa kohësh ndodhet në Hungari, ku i është dhënë e drejta e azilantit politik pas kërkesës së bërë nga ky i fundit për t’iu shmangur dënimit me burg, për blerjen e një "Mercedesi" të blinduar 600 mijë euro, të dhënë në vendin e tij.
Deputetit i opozitës në Maqedoni Gjorçev e konsideron çështjen e largimit të ish-Kryeministrit Maqedonas një mungesë përgjegjësie nga ana e strukturave përgjegjëse të qeverisë dhe sipas tij me shumë gjasa bëhet fjalë për një marrëveshje me pushtetin, transmeton media maqedonase Zhurnal.
![](https://shqiptarja.com/template/img/NO_ALFA_Kuadrate shqiptarja.png)
"Lidhur me atë arratisje ka dy variante. Ose bëhet fjalë për paaftësi të MPB-së e udhëhequr nga Oliver Spasovski, ose bëhet fjalë për marrëveshje me qeverinë e Zaevit, i cili për momentin është tregtari kryesor me drejtësinë në Republikën e Maqedonisë. Ose duhet të ketë përgjegjësi, e kjo do të thotë dorëheqje të Spasovskit dhe strukturave të MPB-së, ose bëhet fjalë për marrëveshje politike dhe këtë qytetarët e Republikës së Maqedonisë duhet ta dinë. Shumica e qytetarëve, sidomos mbështetësit e Zaevit dhe LSDM-së vlersojnë se bëhet fjalë për marrëveshje politike", është shprehur Gjorçev, në një intrevistë të dhënë në televizionin maqedonas TV 21, transmeton Zhurnal.
Nikolla Gruevski kaloi kufirin maqedonas duke u larguar drejt Hungarisë më datë 11 nëntor, ku ka fituar dhe statusin e azilantit politik.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)