Pas tetë muaj hetimesh intensive u arrestua Shkëndija, një grua që për të furnizuar me kanabis sativa bashkëshortin e saj në burgun e Fushë-Krujës, e fshihte atë në pjesët e saj më intime. Por hetuesit dhe drejtësia jonë "triumfoi": Për Shkëndijen gjetën prova dhe bënë përgjime të mjaftueshme për të vendosur "arrest shtëpie" e për të shkarkuar deri 13 nëpunës burgjesh për mungesën e kontrolleve. Ata nuk i kishin hapur mirë sytë sa herë hynte e dilte Shkëndija në burg. Në këtë rast, Drejtësia Made in Albania triumfoi. Në komunikatë nuk u kursye të vendosej edhe emri e mbiemri i saj i plotë. Kjo trafikante "e egër" duhej të demaskohej plotësisht përballë Drejtësisë dhe opinionit publik.
Që kur nisa këtë rubrikë, gati 20 vite më parë, u përpoqa të shënoj e të nënvizoj se sa i ashpër, vigjilent, i pamëshirshëm është Shteti që ne ndërtojmë me më të brishtët dhe si vazhdon të mbyllë sytë rreth bosëve realë që kanë deformuar vlerën morale etike dhe estetike të shoqërisë sonë.
Sa e paaftë është drejtësia jonë dhe të gjithë njerëzit e strukturat që i shërbejnë asaj, të shohë trafikantë droge me pallate, restorante, dyqane, Instagrame, intervista nëpër media, bashkë me gratë e familjarët e tyre duke shitur mend e para, dhe sa e aftë është të shohë e të gjejë kanabisin te Shkëndija.
Gjendja ka arritur atje ku nuk mund të shkojë më: Trafikantët kanë depërtuar në të gjitha qelizat e shoqërisë sonë duke mos dalluar kush është njeri i punës dhe i të drejtës dhe kush vrasës, supertrafikant.
Nuk njoh Shkëndijen që gaboi me kanabisin për bashkëshortin e saj, por di që Tirana pëlqen, frekuenton, e adhuron nëpër tavolina e media gra e familje trafikantësh droge me biznese e pasuri aq të dyshimta e të trasha e të dukshme, sa s'ka ku të shkojë më.
Sa qesharakë jemi akoma në 2019, kur bëjmë sikur vendosim drejtësinë me Shkëndijen e të ngjashmet e saj, e ministra, zyrtarë, nëpunës e politikanë i sheh kudo që lëviz në Tiranë, Durrës e më tutje, në dritën e diellit, të frekuentojnë e të mos denoncojnë lidhjet trafikantë-politikanë-biznese e sidomos të respektojnë e t'u hapin dyert e famës dhe bizneseve grave që ndoshta "Shkëndije" ishin dhe quheshin më parë, por tani kanë ndërruar emrin, pamjen me botox, veshjet firmato, e sidomos shtojnë përditë pëlqimet, kontaktet, mbrojtjet dhe fotot me politikanë, gjykatës, gazetarë e elitën e Tiranës edhe në Instagram.
Komente
Lajme të tjera
-
Frika e pafalshme ndaj diversitetit që dikë po e vret!
24 Shkurt, 19:13
-
Rithemelimi të gjejë mënyrën si të ngrihet në nivelin e shqiptarëve! Shqiptarët nuk ulen dot!
21 Shkurt, 17:00
-
Ekspertët e BE dhe SHBA kundërshtojnë ‘paketën’ e ndryshimeve në drejtësi
4 Korrik 2023, 18:31 -
Alba Malltezi: Ja përse fjalët e Escobar dhe të gjithë amerikanëve për Berishën, janë për veshët e shqiptarëve, muzikë
25 Tetor 2022, 19:32
-
Alba Malltezi: Vdekja e Lear Kurtit si një test nëse në Shqipëri strehohet njerëzorja
24 Tetor 2022, 11:31 -
Alba Malltezi: Aktivistja Evi Kokalari si matësja më e mirë e gjendjes në PD
21 Tetor 2022, 15:33
-
Alba Malltezi: Ja pse është kaq tragjikisht i vërtetë Gent Pjetri
17 Tetor 2022, 19:29
-
Malltezi: Ata që e këshillojnë Saliun të bëhet i ëmbël si mjaltë dhe socialistja e Beratit
11 Tetor 2022, 11:56
-
Ambasadorja Yuri Kim, si të ishte ndër shqiptaret më të mira
23 Nëntor 2021, 09:23
-
Dhuna, si një re e zezë e grumbulluar, qëndron mbi ne
11 Shtator 2021, 10:11
-
Epilogu i një sezoni/Kur një tropojan bën makaronat më të mira në bregdet
6 Shtator 2021, 16:32
-
Jeta na mësoi të dallojmë një gjyq demode' popullor, nga debati me fakte e logjikë
3 Shtator 2021, 09:17
Te lumte dora! Tirana bie permbys per grate e trafikanteve qe ia dolen pak me mire se burri I Shkendijes…
PërgjigjuGjendja ka arritur deri aty ku mund te shkoje me !! e bukur kjo :)Thene nga dikush qe fatkeqsisht sja paska prere mendja !? Po si sta preu mendja ?! :) Ne c'lendine genjeshtrash te kulloste mendja ?:)
Përgjigju