POP 5

Lajmet më të lexuara të 5 minutave të fundit

Kronikë

Fshehin dhomat e hotelit në Velipojë për të shmangur taksat në Bashki, arrestohen dy inspektorët e korruptuar

Sipas hetimeve të kryera, inspektorët e Bashkisë, kanë falsifikuar dokumentet në këmbim të marrjes së ryshfetit në një hotel në plazhin Velipojë, duke e favorizuar të mos deklarojë numrin e saktë të dhomave të këtij hoteli me qëllim mospagimin e taksës reale që përfiton Bashkia Shkodër.

SHKODER - Dy inspektorë të Taksave në Bashkinë e Shkodrës u vunë në pranga dhe një person tjetër u shpall në kërkim, pasi akuzohen për korrupsion pasiv. Po ashtu po hetohet në gjendje të lirë pronari i një hoteli në plazhin e Velipojës, për fshehje të të ardhurave.

Sipas hetimeve të kryera, inspektorët e Bashkisë, kanë falsifikuar dokumentet në këmbim të marrjes së ryshfetit në një hotel në plazhin Velipojë, duke e favorizuar të mos deklarojë numrin e saktë të dhomave të këtij hoteli me qëllim mospagimin e taksës reale që përfiton Bashkia Shkodër.

U arrestuan inspektorët e Drejtorisë së të Ardhurave në Bashkinë Shkodër Bledar Pori, 32 vjeç Isa Mandia, 63 vjeç ndërsa Denis Hoxha 32 vjeç është shpallur në kërkim. Pronari i hotelit është P. A., 36 vjeç, banues në Velipojë, Shkodër, dhe do të hetohet në gjendje të lirë për veprën penale “Fshehja e të ardhurave".

Në zbatim të planit të masave për Sezonin Turistik 2019, policia ka ushtruar kontrolle në disa subjekte në Plazhin e Velipojës, ku janë evidentuar shkelje të bëra nga ana e punonjësve të bashkisë Shkodër dhe subjekteve në lidhje me deklarimin e të ardhurave. Operacioni policor ishte i koduar “Akomoduesi"

Prokuroria e Shkodrës do të hetojë për veprat penale “Shpërdorim detyre“, “Korrupsion pasiv i personave që ushtrojnë funksione publike“, “Falsifikimi i dokumenteve“ dhe “Fshehja e të ardhurave

Dy ditë më parë, kryeministri Edi Rama teksa prezantoi drejtoreshën e re të Tatimeve, Delina Ibrahimaj, paralajmëroi ndëshkime kundër informalitetit.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tensionet në Kosovë, si e vlerësoni qëndrimin e ndërkombëtarëve?

Lajme të tjera



×

Lajmi i fundit

Plas debati në Repolitix, Azgan Haklaj përplaset me Arben Skënderin: Ti je legen, zagar! Ish-deputeti: Ti je legen vetë

Plas debati në Repolitix, Azgan Haklaj përplaset me Arben Skënderin: Ti je legen, zagar! Ish-deputeti: Ti je legen vetë

30 Maj, 23:03