E rëndë në Durrës/ Vajza 15 vjeçare denoncon të atin në polici, kreu marrëdhënie seksuale me të për 4 vite

DURRËS- Një 48-vjeçar është arrestuar nga policia e Durrësit pasi është denoncuar nga e bija e tij 15-vjeçe për abuzim seksual. Mësohet se vajza tregoi historinë tek psikologia e shkollës dhe më pas është bërë denoncimin në polici.

Sipas njoftimit të policisë, 15-vjeçarja ka kallëzuar në polici se i ati kishte kryer marrëdhënie seksuale me të, gjatë 4 viteve të fundit.    

Shërbimet e Komisariatit të Policisë Kavajë, pas kallëzimit nga një shtetase 15 vjeçe, se babai i saj kishte kryer marrëdhënie seksuale me të, gjatë 4 viteve të fundit, menjëherë kanë organizuar punën për verifikimin e këtij kallëzimi dhe arrestimin e autorit. Si rezultat i veprimeve të para hetimore, u vu në pranga shtetasi B. R., 48 vjeç, banues në Golem, për veprën penale “Marrëdhënie seksuale ose homoseksuale me të mitur” informoi sot policia.

LEXO EDHE:
Vijon fluksi i udhëtarëve në portin e Durrësit, rreth 7.7 mijë pasagjerë pritet të mbërrijnë nga Bari! 27 sportele në funksion

Familja jeton në Golem në një banesë me qira dhe rezulton se kemi të bëjmë me një familje me standard të ulët ekonomik. Çifti kishte 4 fëmijë dhe babai punonte në një distributor karburanti.

Vajza fillimisht i ka treguar mësueses dhe më treguar psikologes se ngjarja ka ndodhur para 1 viti. Sipas kallëzimit të saj abuzimi seksual ka nisur në moshën 11 vjeçare.      

Vetë 48 vjeçari e ka mohuar ndërsa procedura do të vijojë më vizitën e vajzës në Tiranë pranë komisionit mjeksor të posaçëm për të verifikuar akuzën e 15 vjeçares. 48 vjeçari i identifikuar me inicialet B. R është arrestuar për veprën penale “Marrëdhënie seksuale ose homoseksuale me të mitur”.

M.Q./S.G/Shqiptarja.com

TAG:
• marredhenie seksuale me te mitur
• Durres