Arrestohet autori i gjashtë për grabitjen në Rinas, 'Daja' nga Kosova (FOTO)

Ministri i Brendshëm, Sandër Lleshaj, ka reaguar menjëherë pas arrestimit të autorit të 6-shtë të grabitjes së Rinasit. Me anë të një postimi në Twitter Leshaj shkruan 'dara' vijon të shtërngohet.

"I gjashti i bandës së Rinasit u mbyll prapa hekurave. Dara vijon të shtrëngohet pavarësisht pikëllimit të rrallë të dikujt. Ka vetëm një alternativë: drejtësi. Falënderim për Policinë e Shtetit!", shkruan Lleshaj.
 

Shqiptarja.com zbulon foton e kosovarit nga Peja, Ragip Haxhiajdini që u arrestua pasditen e sotme në Durrës si i përfshirë në grabitjen brenda aeroportit të Rinasit.

Ragip Haxhiajdini është personi i gjashtë që u arrestua për grabitjen në Rinas. Ai është nga Peja, 50-vjeç dhe me precedent penal, pasi në 2012 është akuzuar se ka vjedhur edhe 25 kg ar së bashku me pesë persona të tjerë në Dhomën e Dëshmive në Policinë e Pejës. Një prokuror i EULEX-it, që kreu hetimet dyshonte se Ragim Bytyqi, Ragip Haxhiajdini, Xhemë Gashi dhe Kushtrim Kastrati janë të implikuar në vjedhjen e arit. Ky grup kriminal që bëri grabitjen në Rinas, ku është i përfshirë edhe Ragip Haxhiajdini dyshohet edhe për grabitjen e një banke në Istog në fund të vitit të kaluar në Kosovë ku u vra një efektiv policie.

Shqiptarja.com zbulon emrin e 'Dajës' nga Kosova që u arrestua për grabitjen në Rinas. Ai është Ragip Hajdini nga Peja. Shqiptari nga Kosova u identifikua, pas dëshmisë së Alkond Bengasit, i cili e përshkroi nga si “Daja” nga Kosova qeros, i cili takohej shpesh me Klement Çalën dhe Admir Muratajn.

Në vijim të veprimeve  të kryera nga një grup i posaçëm hetimor për zbardhjen e grabitjes më 9 prill në aeroportin e Rinasit,  policia informon se është kapur R.H., 50 vjeç, lindur e banues në Pejë, i dyshuar si një prej autorëve të kësaj ngjarje.
 
Ai do të hetohet nga Prokuroria për Krime të Renda Tiranë, për veprën penale  te “Vjedhjes me armë të kryer në bashkëpunim, në kuadër të grupit të strukturuar kriminal", "Mbajtjes pa leje të municioneve luftarake”, "Vrasje e punonjësve të policisë, e kryer ne bashkëpunim e mbetur në tentativë".

Shqiptarja.com zbardh detaje të reja nga operacioni i policisë për arrestimin e 50-vjeçarit me pseudonimin 'Daja' nga Kosova. Grupi që po merret me zbulimin dhe gjurmimin e kësaj ngjarjeje kishte vënë në shënjestër dy persona që strehohen në zonën e plazhit në Durrës. Sot sipas informacioneve grupi operacional ka arrestuar njërin prej tyre.

Prej ditësh ata janë në përgjim dhe survejim. Operacioni nga Tirana nisi pasditen e sotme, fillimisht me rrethimin e një perimetri 1 km nga disa efektivë civilë në zonën e plazhit, që kanë ardhur me katër makina pa u kuptuar dhe më pas kanë ndërhyrë duke e arrestuar. Burime për Shqiptarja.com pohuan se  “Është ngjarje e vështirë, që po zbardhet has pas  hapi”.