POP 5

Lajmet më të lexuara të 5 minutave të fundit

Kronikë

Arrihet marrëveshja/ Policë çek në Shqipëri gjatë sezonit turistik

Gjatë sezonit turistik, në Shqipëri do të vijnë të patrullojnë edhe policë çek.

Arrihet marrëveshja/ Policë çek në Shqipëri gjatë sezonit turistik

Drejtori i Përgjithshëm i Policisë së Shtetit, Ardi Veliu me homologun e tij çek, Mgr. Jan Svejdar

Gjatë sezonit turistik, në Shqipëri do të vijnë të patrullojnë edhe policë çek. Kjo marrëveshje u arrit gjatë vizitës së Drejtorit së Përgjithshëm i Policisë së Shtetit Ardi Veliu me homologun e tij çek, Mgr. Jan Švejdar. Ky vendim vjen pasi, Shqipëria vizitohet nga një numër i madh turistësh çek, qoftë për turizmin malor ashtu edhe për atë bregdetar. 

Në takim u ra dakord gjithashtu edhe për ngritjen e njësive të përbashkëta hetimore në drejtim të hetimit të kontrabandimit të qenieve njerëzore, për zhvillimin e operacioneve të përbashkëta në kufi në bashkëpunim me Frontex, për mbështetje logjistike nga Policia Çeke.

Gjatë takimit, Presidenti i Policisë Çeke i vlerësoi marrëdhëniet dypalëshe si mjaft të mira dhe theksoi domosdoshmërinë e forcimit të këtij bashkëpunimi në të gjitha fushat.

 “Vlerësoj progresin e bërë nga Policia e Shtetit Shqiptar vitet e fundit në luftën ndaj krimit të organizuar dhe terrorizmit, si dhe në operacionet e përbashkëta me partnerët ndërkombëtarë dhe agjencitë ligjzbatuese Interpol, Europol, Frontex etj. Policia Çeke ju mbështet dhe është e gatshme për të shtrirë bashkëpunimin në të gjitha fushat", tha Jan Švejdar.

Drejtor Veliu ka falënderuar Presidentin e Policisë Çeke për mbështetjen e dhënë.

"Bashkëpunimi me partnerët dhe agjencitë ligjzbatuese është një ndër prioritetet kryesore të Policisë së Shtetit dhe unë mbetem i vendosur që ky bashkëpunim të forcohet dhe thellohet në të gjitha fushat, pasi krimi nuk ka ngjyrë, kufi e politikë, por ka vetëm një mision, të vrasë shpresën, ligjin dhe të ardhmen, ndaj misioni i të gjitha Policive në botë është një, lufta pa kompromis ndaj krimit", u shpreh Veliu.

I pranishëm në takim ishte edhe ambasadori i Shqipërisë në Çeki, Ilirian Kuka.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu