ARRSH aksion për mbylljen e hyrje-daljeve të rrezikshme në aksin Tiranë Durrës, bizneset kundërshtojnë: Kemi aplikuar për leje, këta vijnë fshehurazi! Po na shkatërrojnë

Bizneset në aksin Tiranë-Durrës kanë kundërshtuar sot aksionin e Autoritetit Rrugor Shqiptar (ARRSH) për mbylljen e hyrje-daljeve të rrezikshme. Në këtë aks janë 300 subjekte me hyrje-dalje të rrezikshme, por pronarët shprehen se kanë aplikuar për leje dhe se i është komunikuar se duhet të presin, teksa theksojnë se ndërhyrja sot e ARRSH ishte e pa lajmëruar.

Ata shprehen se janë 20 biznese që kishin bërë kërkesë në ARRSH ku i ishte komunikuar se do ta bënin rrugën sipas një projekti të përcaktuar dhe jo se do t'i mbyllej rruga.

"Kemi aplikuar për leje, por këtu merret parasysh asgjë, këtu vijnë të shkatërrojnë të vrasin. Na thanë do bëjmë hyrje-dalje, tani pa lajmëruar vijnë, Ky problem është i hershëm. 20 biznese kemi bërë kërkesë të përbashkët dhe me lekët tona do bënim rrugën. Tani këta na presin në besë. Erdhën nga ARRSH dhe na thanë që do bëhet hyrje-dalja po me lekët tuaja do bëhet rruga. Na thanë prisni përgjigje, sot vijnë pa lajmëruar", thotë një prej pronarëve.

"I kemi çuar dokumentacionet, jemi 20 biznese, këta nuk duan, këta thonë kemi urdhër do zbatojmë urdhrin. Kemi bërë kërkesën, na thanë në rregull do gjejmë një inxhinier që të bëjë studimin dhe do ju lëmë hyrje-dalje dhe rruga do bëhet sipas projektit. Ne nuk kemi dalje nga pas biznesit, këta as nuk duan të bisedojnë", shprehet një tjetër.

ARRSH po hap kanale anësore të mbyllura nga bizneset në anë të rrugës dhe po vendos mbrojtëse anësore metalike për mbylljen e hyrje-daljeve, duke i lënë bizneset pa rrugë alternative për t'u futur në ambientet e tyre.

Ky aksion ka nisur që me 27 nëntor, teksa në të gjithë vendin numërohen 1300 subjekte që kanë akses në akset nacionale në vend dhe vetëm 60 prej tyre janë të licencuara dhe kanë marrë leje për përdorimin e rrugës.

 

Rendit zhvillimet sipas orarit:
Ora 16:51
Mbyllja e hyrje daljeve të rrezikshme, ARRSH aksion në autostradën Lushnjë-Fier! Bizneset dhe banesat mbesin të bllokuara, kërkojnë rrugë dytësore

 

Autoriteti Rrugor Shqiptar sëbashku me IMT Lushnjë ka nisur aksionin për bllokimin e të gjitha daljeve të bizneseve dhe banesave private në autostradë.

Ky aksion ka nga rrethrrotullimi i Çermës ne autostradën Rrogozhinë-Lushnjë për të vazhduar deri në hyrje të Bypassit të Mbrostarit në afërsi të Fierit.

Puna ka nisur me hapjen e kanaleve që nuk lejojnë kalimin në autostradë dhe vendosjen e shiritit ndalues dhe paralel me këtë janë njoftuar bizneset dhe familjarët që të aplikojnë online për leje daljeje në autostradë pranë ARRSH-së.

Banoret por edhe bizneset nuk janë kundër vendimit të qeverisë për të pasur rrugë me parametrat e duhura, por kërkojnë një rrugë dytësore në të cilën të kryejnë normalisht aktivitetin e tyre si biznese dhe familjarë. Kosto e aplikimit është e papërballueshme rreth 20 milionë lekë për njësi, që do të thotë 100 metra para e pas hyrjes të bëhen punime përafrimi me autostradën.

Përgjatë autostradës ka edhe shtëpi banimi që nuk kane asnjë mundësi daljeje përveç autostradës

Banoret dhe bizneset e Zhamës kanë kërkuar me një peticion të bëhet rruga dytësore e më tej të bllokohen hyrje-daljet në autostradë me qëllim të mos pengohet aktiviteti i tyre sidomos në prag të festave të fund vitit.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Drejt djegies së raundit të tretë, mendoni se PS duhet ta zgjedhë vetë Presidentin?



×

Lajmi i fundit

John

‘Galaktikët’ pushtojnë sërish Europën, Reali kampion i Champions League për herë të 14