POP 5

Lajmet më të lexuara të 5 minutave të fundit

Kultura

'Art dhe shkencë' e Dr.Gelardit në 'Bunk’art 2', 10 piktura ku qelizat tona janë kthyer në art

Ekspozita e doktorit italian Matteo Gelardi, e hapur në 'Bunk'Art 2'. Bëhet fjalë për qeliza të marra nga hunda e njeriut, që fillimisht janë kthyer në tablo, pastaj në muzikë dhe në modë.

Veprat e artit të doktor Matteo Gelardit dhe veshjet e realizuara nga vajza e tij stiliste Giovanna, vazhdojnë të jenë të ekspozuara në “Bunk’art 2”. Në sallën e mbledhjeve, në “ish- dhomën e ndërlidhjes” pikturat “Bing bang”, “Kristalizmi”, “Stuhi diellore”, “Tranzicioni”, “Mjegullnajë”, “Vjeshtë”, por jo vetëm ilustrojnë se si qelizat tona kthehen në art. Bëhet fjalë për qeliza të marra nga hunda e njeriut, që fillimisht janë kthyer në tablo, pastaj në muzikë dhe në modë.

Doktor Matteos i pëlqen të luajë në instrumente të ndryshme, sepse atij i pëlqen arti në përgjithësi dhe kështu ai është shembulli më i mirë se si kur mjeku gjendet para disa situatave mund të njoh artin në brendësi të profesionit të tij. Iniciativa e doktorit filloi 5 vite më parë me “Kur shkenca bëhet art”, mandej u bë, “Kur shkenca bëhet muzikë” dhe “Kur shkenca bëhet modë”, dhe “Art dhe shkencë”. 

Ekspozita e Dr.Gelardit në 'Bunk'Art 2'


Për mjekun-italian prezantimi këtyre veprave në ambientet e Bunk’art ka magjinë e vet, sepse ai mendon se të hysh në “Bunker” dhe “Bunk’Art” është diçka që nuk ndodh shpesh. Ndërsa, Giovanna vajza e tij, e cila sjellë dhjete veshje që përkojnë me secilën tablo ka realizuar këto veshje kaq të bukura, duke i dhënë një prekje femërore, që nuk është absolutisht e tepërt, në një ambient shkencor. 

Dikush mund të mendojë se shkenca është diçka serioze, por duhet parë edhe në një këndvështrim tjetër që ndonjëherë mund të jetë edhe ndryshe. Mesazhet e doktorit nëpërmjet prezantimit të tij në Shqipëri nëpërmjet kësaj ekspozite ku shkenca edhe arti bëhen bashkë, janë të shumta, prej tyre veçojmë limitimin e antibiotikëve dhe krijimin e parqe joalergjik. 

Ekspozita në të cilën prezantohen veshjet e Giovanna-s edhe veprat e doktor Gelardit do të qëndrojë hapur edhe ditën e nesërme, nga ora 09.00 deri në orën 21.00 të mbrëmjes në “Bunk’art 2”. 

'Bunk'Art 2'

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Policia e Tiranës zbardh vrasjen e Eduart Reçit, i ekzekutuar me një plumb pranë Rrugës së Elbasanit

Policia e Tiranës zbardh vrasjen e Eduart Reçit, i ekzekutuar me një plumb pranë Rrugës së Elbasanit

24 Nëntor, 15:07 nga Sokol Dema