24 tablo, shumica në vaj a të tjera në teknikë mikse, jetësojnë në tri dhoma krijimtarinë më të fundit të artistit Artan Peqini në galerinë “Fab”. Në qendër, kujtimet ku Nëna vjen përmes bisedash, a të fundit datëlindje të saj. E më tej autori udhëton “Përtej kohës” me të tjerë personazhe të dashur e situata të jetuara a të rrëfyera prej tyre.
“Menduam që koha në këtë rast të funksionojë si një moment i jetësuar. Si një personazh, skenografi, ku thërrasim nga memoria të gjitha figurat e dashura, figurat e rëndësishme që secili nga ne ka në jetën e përditshme. Në këtë sens kjo kohë pa kohë, kjo kohë pa ikje pa atë ankthin e konsumimit na krijoi këtë lloj mundësie nga pikëpamja metaforike. Na krijoi mundësinë që të takonim personazhe të ndryshme që kanë jetuar në kohë të ndryshme që kanë pasur mesazhe dhe misione të ndryshme, të takohen në këtë sekuencë kohe dhe të shkëmbejnë të bisedojnë mes tyre”, thotë Peqini, artist e Dekan i Fakultetit të Arteve.
Portrete të mbuluara, drita që dominon e zbeh ngjyrat, koha e mbajtur pezull, e bëjnë vizitorin të mbërthejë shikimin tek ky pështjellim ndjenjash e narrativa që artistit i shpërfaq përmes penelit në periudhë pandemie.
“Kohët e fundit kam pasur mundësi që nga studioja ime të jem në kontakt me natyrën. Dhe nisur edhe nga rrethanat e që po jetojmë, të gjithë jemi bërë më të vëmendshëm, më vëzhgues ndaj asaj që ndodh përreth. Kur kemi të gjithë komoditetin që lëvizim me shpejtësi jemi pak të vëmendshëm ndaj gjërave. Duhen ngjarje të rëndësishme që të kuptojmë se substanca, lënda, gjërat e rëndësishme janë përreth nganjëherë është mungesa e vëmendjes sonë për t’i bërë ato të rëndësishme. Në këtë rast ka funksionuar kjo! Nisur edhe nga një koncept teorik që edhe postmoderniteti i jep shumë rëndësi minimales, temave të vogla, temave interesante, atyre temave që ti konkretisht i prek edhe pastaj me fuqinë e interpretimit që ka çdo krijues i bën dhe të rëndësishme. Unë mendoj që është një moment i rëndësishëm që edhe lexohet në ekspozitë”, shprehet Peqini.
Të pikturuarit siç thotë, i jep një lloj lirie absolute që mungon tek skulptura monumentale, ku artisti duhet të ballafaqohet edhe me pritshmëritë a oponencën e publikut.
“Vepra e artit publik e ka këtë, që piktori shprehet nga pikëpamja stilistike, por duhen marrë parasysh edhe pritshmëritë e njerëzve”, rrëfen më tej.
Në rastin e skulpturës së Pjetër Bogdani të përuruar së fundmi pas një pune 4-vjeçare, Peqini nuk i ka përjashtuar këto shenja a konvencione të ngulitura me kohën, e megjithatë ka hulumtuar për një kohë të gjatë literaturën si dhe vetë zonën e Hasit nga ai vinte, e ku do të jetë i jetësuar në lartësinë mbi 5 m të shtatores bashkë me piedestalin, në Krumë...
“Për Pjetër Bogdanin është shkruar shumë, është treguar shumë, por ka jetuar në një epokë ku imazhi i tij është hipotetik, pra përmes grafikave etj. Qëmtimi im i ka mëshuar edhe kërkimit në territorin ku ka jetuar personazhi, e ku mund të gjesh personazhe që mund të ngjajnë me të. Në njëfarë mënyre duket si studim antropologjik, ti studion karakterin e zonës dhe mund ta shfrytëzosh pastaj për personazhin tënd. Një metodikë që e kanë përdorur shumë studiues në mungesë të materialeve. Atje, kjo figurë monumentale përshtatet me sheshin, i jep në lloj identiteti të ri”, tha ai.
Do të jetë kjo përmendore edhe si një lloj prehje, për pararendësin e Rilindjes Kombëtare, shkrimtarin e atdhetarin Pjetër Bogdani që vuri gurëthemelet në shkrimin e letërsisë shqipe.
Lajme të tjera
-
'Lamtumirë Ali Osekut, modelit të rrallë që nuk përsëritet'! Gazmend Leka: Nga të vetmit që vuajtën Spaçin dhe nuk u ankua asnjëherë!
3 Prill, 16:57
-
‘ARKETIP’, rrugët e memories ‘të trupëzuara’ në 25 veprat e artistit Viktor Ferraj
22 Mars 2023, 15:25
-
‘Deteve ngjyrë vere’, udhëtim në mitologjinë e Mesdheut, përmes 29 tablove të Orion Shimës
6 Mars 2023, 15:43
-
“Piccolo Mare”, Shqipëri-Itali bashkë në artin pamor, ekspozita me punët e studentëve në “Harabel” e “Fab”
2 Shkurt 2023, 14:51 -
‘Ballo me maska’, 43 piktura të Ilir Balës ekspozohen në ‘Fab’, artisti: U inspirova nga njerëzit e zakonshëm
11 Janar 2023, 17:00
-
Me aureolë e të pagëzuar si shenjtorë, të vobektët në Galeri përmes 20 tablove, Gazmend Leka i kundërvihet shpërfilljes së mjerimit
30 Nëntor 2022, 15:19
-
Koha, udhëtimi dhe memoria/ ‘Udhëtimi magjik’ i Artan Peqinit
12 Maj 2022, 16:47
-
Orion Shima ‘i kundërvihet’ indiferencës ndaj natyrës, ekspozita “Kjo vjeshtë”, në një triptik me 19 vepra të punuara në pandemi
21 Mars 2022, 16:59
-
Nga pengesat në diktaturë tek momentet e vështira me prindërit, i biri i Edi dhe Mihal Luarasit me “Rrëfime” në FAB, Eldoni: Si e realizova portretin e nënës
3 Shkurt 2022, 19:59
-
Artistët e rinj performancë kundër dhunës tek Artet, Ema Andrea: Një histori që e kemi dëgjuar të gjithë! (VIDEO)
2 Korrik 2020, 14:48
-
Sopranoja Eva Golemi rikthehet në auditor me studentët, artistja: Shpresoj të performojmë shpejt dhe në opera!
12 Qershor 2020, 14:27
