POP 5

Lajmet më të lexuara të 5 minutave të fundit

Kultura

Artisti Agim Sulaj, 18 vepra origjinale në galerinë e artit: Një mural dhe ekspozitë në Paris për Felinin

Artisti i njohur Agim Sulaj ekspozon 18 vepra origjinale në Galerinë e Artit Tiranë. Karikatura e tij prek tema sociale që përkojnë me aktualitetin, mes tyre edhe lufta e  emigrimi. Piktori shpreh keqardhjen për Shqipërinë që zbrazet, e boshllëkun intelektual që lë pas emigrimi. Projekti për filmin e Felinit e shpie këtë vit në Paris, për të ekspozuar 55 punime.

Lufta, paqja, globalizimi e deri tek censura e shtypit, 18 vepra të artistit Agim Sulaj ekspozohen në Galerinë e Artit Tiranë. Janë punime origjinale, të punuara me laps, akuarel e akrilik. Ndërsa temat filozofike preferon t’i trajtojë kryesisht tablo vaji. Ekspozita e tij, e kuruar nga artisti Abaz Hado, vjen në kohëra trazirash, ku lufta është kryefjalë e çdo bisede, por siç thotë, veçanërisht në këto ditë njerëzit kanë nevojë për art. Edhe për karikaturën e tij, që shkon përtej satirës, e përsiatet në temat sociale.

“Trajtoj probleme sociale për të sensibilizuar njerëzit. Për të mbrojtur mjedisin, paqen e jetën”, thotë piktori e karikaturisti Sulaj.

Valixhja e emigrantit, ndonëse është një temë universale, nuk mund të mungonte në Shqipërinë e vogël, që ndrydhet çdo ditë e më tepër. Ajo, që artisti vlonjat pikas në këto ditë të rikthimit të tij është boshllëku intelektual, e hapësira mbizotëruese politike.

“E shikoj që Shqipëria sot ka shumë nevojë për intelektualë të vërtetë, për njerëz të vërtetë që të thyejnë sadopak ritmin e politikës”

Thuajse çdo vepër e ekspozuar ka marrë çmime me peshë ndërkombëtare. Gjithsej numëron 204 vlerësime, por asnjëri prej tyre nuk është dhënë nga Shqipëria. E megjithatë, për të ka rëndësi që arti i tij të shkoj tek publiku. Projekti i fundit e lidh me Felinin. I ftuar si një nga figurat e njohura të artit, në  qytetin felinian  të Riminit, ka pikturuar një mural me 16 personazhe të filmit “Amarcord” në “San Guliano”. Me to ka realizuar në studion e tij 55 punime të cilat do t’i ekspozojë në 15 e 16 prill në Paris.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46