Artisti nga Kosova që ka dizenjuar
BunkArt,fiton çmim ndërkombëta

Dizajneri i njohur kosovar, Agi Haxhimurati është ndër artistët e rinjë që ka arritur shumë me punën e tij. Pas punës së treguar në “Bunk’Art” dhe “Bunk’Art 2” atij nuk i janë ndalur as punët, por as sukseset.

Dizajneri Haxhimurati përveç që ka bërë logo për kompani të ndryshme ndërkombëtare, së fundmi ka fituar një çmim ndërkombëtar në Paris.

Ai ka bërë dizajnimin e tërë brandimin e produkteve për Aroma Therapy, një kompani në Tiranë e kremërave dhe vajërave bio.  Dhe për këtë, ai fitoi çmimin “DESIGN AND DESIGN AWARD” në Paris, ku puna e tij pastaj do të botohet në librin e vitit 2016, shkruan rtv21.tv

“DESIGN AND DESIGN AEARD aplikojnë dizajnerë nga e gjithë bota,  dizajnet që pranohen këtu, publikohen në librin vjetor të dizajneve më të mira të vitit perkates, si psh ky libri qe botohet sivjet ka me pas edhe dizajnin tim”, ka thënë Haxhimurati për rtv21.

Design and Design, International Design Awards është themeluar në vitin 2008 nga dizajneri i njohur, Marc Praquin. Për këtë çmim konkurojnë dizajnerë nga vende të ndryshme të botës, i cili pastaj iu ndahet dizajnerëve më të mirë të vitit ku punimet e zgjedhura pastaj botohen në librin e vjetor “BOOK OF THE YEAR, VOLUME NINE”.

Ndryshe, punët e dizajnerit, Agi Haxhimurati deri tani janë publikuar në shumë vende si: në Dublin (Irlandë), Tel Aviv (Izrael), Turqi, Itali, Berlin dhe në Kroaci ku dizajnoi standin për Republikën e Kosovës, në panairin më të madh të bujqësisë që u organizua nën patronatin e presidentes së Kroacisë.

Dizajneri Agi Haxhimurati është me origjinë nga Kosova, por jeton dhe punon në Shqipëri. 

Redaksia Online
l.q/Shqiptarja.com

TAG:
• bunkart