Artur Roshi debat me kreun e Komisionit të Ekonomisë për rivlerësimin e pasurive: Mos më bëj ironi! Ahmetaj: Je në terezi ti a jo

Gjatë mbledhjes së Komisionit të Ekonomisë dhe Financave, ditën e sotme ka patur debate për disa çështje, veçanërisht për rivlerësimin e pasurive të paluajtshme.

Në këtë debat janë përfshirë kreu i Komisionit, Arben Ahmetaj dhe deputet i Ballit Kombëtar Artur Roshi njëherazi kryetar i Bashkisë së Krujës.

Në diskutim e sipër Ahmetaj u shpreh se projektligji për rivlerësimin e pasurive të paluajtshme ka thënë se projektligjin e ka propozuar vetë Artur roshi, po ky i fundit i është kthyer duke i kërkuar të mos bëjë ironi

Ahmetaj ndër të tjera tha se qytetarët kanë të drejtë ta rivlerësojnë apo jo pasurinë e tyre. Sipas tij rivlerësimi 3% është normal.  

Arben Ahmetaj: Qetësohu, mos bëj sherr kot se nuk të shkon.

Artur Roshi: Niko, boll Niko, ik se të dëgjuam.

Arben Ahmetaj: Do ta drejtosh komisionin tani.

Artur Roshi: Propozimin e keni bërë ju, çoje për votimin tani.

Arben Ahmetaj: Po nuk ka rëndësi. Zoti deputet, këtë e di unë, ti po të duash ik, po deshe rri. Ti ke detyrën tënde.

Artur Roshi: Jo mo se nuk e di vetëm ti, se ti deputet si mua je.

Arben Ahmetaj: Po, patjetër por nismën e kam bërë unë. 

Artur Roshi: Po, patjetër vazhdo

Arben Ahmetaj: Po ti pse ndërhyn?

Artur Roshi: Ç’punë ka ai këtu, nismën e ka bërë deputeti.

Arben Ahmetaj: Më fal, e ka thirrur komisioni.

Artur Roshi: Por për çfarë?

Arben Ahmetaj: Zoti Roshi, sot e paske ditën e sherrit. 

Artur Rushi: Ta kam thënë disa herë mos bëj rolin e mistrecit.

Arben Ahmetaj: Të lutem, se nuk më takon mua të bëj rolin e mistrecit, unë jam drejtuesi i komisionit. Këto janë muhabete tavolinash.

Artur Roshi: Po e ule nivelin ashtu do bëjmë, çfarë do bëjmë.

Arben Ahmetaj: Ore mos zëvendëso njërin që ka qenë këtu dhe u bë qesharak.

Artur Roshi: Qesharak jeni ju që nuk respektoni njerëzit.

Arben Ahmetaj: Niko vazhdo shpjegimin.

Artur Roshi: Nuk e dua unë shpjegimin e Nikos.

Arben Ahmetaj: Ore e di unë, nuk e  di ti atë punë, jam unë kryetar. Ti po nuk do ta dëgjosh vazhdo.

Artur Roshi: O Niko ke një lloj logjike ti apo s’ke.

Arben Ahmetaj: Ç’punë ke me Nikon ti, je në terëzi apo jo?!

Artur Roshi: Ligjin e ke propozuar ti, çfarë të sqarojë Nikua.

Arben Ahmetaj: Është autoriteti fiskal, do mbajë qëndrim mor zotëri. 

Artur Roshi: Çfarë qëndrim?

Arben Ahmetaj: E dinë ata mo, pse unë ja detyroj qëndrimin?!

Artur Roshi: E propozove ti ligjin. Kur të duash ti flet edhe për qeverinë, edhe për komisionin, flet për të gjitha.

Arben Ahmetaj: Patjetër për këtë jam.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Rusia dhe Kina kundërshtojnë Samitin e Demokracisë si pengesë të modernizmit:Produkt i mentalitetit të Luftës së Ftohtë