POP 5

Lajmet më të lexuara të 5 minutave të fundit

Kronikë

As burgu s’i 'tremb' qytetarët, sot Tirana si në normalitet! Policia ul kontrollet, më pak postblloqe (Masat në Kodin Penal)

Këtë të premte hynë në fuqi ndryshimet në kodin penal që parashikojnë deri heqje lirie për këdo që thyen rregullat e karantinës. Por as frika nga burgu nuk i ndërgjegjësoi qytetarët të cilët nga një vëzhgim i ReportTv nuk shmangin grumbullimet ndërkohë që nuk janë të pajisur me masa mbrojtëse.

TIRANE-Ndryshimet në kodin penal për këdo që thyen rregullat e karantinës se nuk i kanë trembur aspak qytetarët. Rrugë të mbushura plot dhe qytetarë të shumtë të ofrojnë sot panoramën e një dite të zakonshme dhe aspak të kujdesit që duhet treguar ende ndaj pandemisë COVID-19. Nga ana tjetër edhe kontrollet e policisë duket se janë zbehur ndjeshëm, pasi edhe post-blloqet janë reduktuar. Për presidentin Ilir Meta, i cili vuri firmën e tij duke dekretuar ndryshimet, të gjitha institucionet duhet të nxjerrin udhëzimet në shërbim të Kodit të Ri Penal.

“Të gjithë të bëjnë detyrën e tyre me përgjegjësi, që qeveria, Shëndetësia, policia, prokuroria dhe gjykatat të nxjerrin aktet dhe udhëzimet në frymën e ndryshimeve që u bënë në Kodin penal që janë më të avancuara në kontinent sipas standardeve daneze. Por duhet edhe kolona e akte vetë tjera në këtë frymë që t'u shërbejë atyre qëllimeve, që synojnë mbrojtjen e shëndetit të qytetarëve” u shpreh Meta.

Por çfarë parashikojnë ndryshimet në kodin penal? Nga sot, shkelja e udhëzimeve të autoriteteve shtetërore në kohë epidemie, dënohet me gjobë ose deri në 6 muaj burg. Thyerja e rregullave nga biznesit dënohet me gjobë deri në 2 vite burg. Thyerja e karantinës dënohet me burg deri në 3 vjet burg, ndërsa përhapja e infeksionit në mënyrë të qëllimshme dënohet deri në 5 vjet burg dhe deri në 8 vjet burg kur përhapja e infeksionit ka sjellë pasoja të rënda. Këto veprime dënohen me burg deri në 23 qershor 2020, që përkon me shtyrjen e gjendjes së fatkeqësinë natyrore. Po ashtu, nga patrullimi janë larguar edhe autoblindat e ushtrisë që pak javë më parë i gjenim kudo në rrugët e kryeqytetit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Polici: 08/05/2020 17:44

    Nga nje ane te puthni nga ana tjeter te kadshoni. Pse i hapet bizneset e vogla hapet edhe muzeumet ne daten 18 maj do te hapni edhe kafenete kur gjendja e jashtezakonshme eshte deri ne 23 qershor. Ne butg te paret duhet te futeni ju qe i shkelni ligjet me te dy kembet pastaj te tjeret.

    Përgjigju
  • Vrojtuesi: 08/05/2020 17:24

    Mjaft me keto artikuj me burgje e me dhune psikologjike ndaj njerezve. Ne jemi njerez te lire e per sa kohe qe respektojme distancen dhe mbrojme veten dhe te tjeret nuk kemi pse te marrim leje prej askujt. Nuk jemi ne kohen e skllavopronarise kur skllavit i duhej te merrte leje te pronari per cdo gje. Merrni shembullin e SHBAve.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24