Asambleja/ Rama ndryshon drejtuesit e 6 qarqeve! Konfirmohet Balluku, ikën Spiropali! Tiranën e merr Balla! Dy ministrat e rinj, Karakaçi në Shkodër e Nufi në Lezhë

Ditën e nesërme, në orën 10:00, kryeministri Edi Rama do të mbledhë drejtuesit politikë të qarqeve në selinë e Partisë Socialiste. Mbledhja vjen pas ndryshimeve të drejtuesve politikë të 6 qarqeve, të prezantuara ditën e sotme në mbledhjen e Asamblesë së PS.

Kryesocialisti Rama largoi sot 4 drejtues qarqesh: Elisa Spiropalin, Benet Becin, Eduard Shalsin dhe Emirjana Sakon. Spiropali u zëvendësua në Tiranë nga Taulant Balla dhe Ogerta Manastirliu. Sako në Durrës u zëvendësua nga Blendi Klosi. Ministri Ermal Nufi zëvendëson Ulsi Manjën në Lezhë. Ermal Karakçi zëvendëson Benet Becin në Shkodër. Ulsi Manja zëvendëson Blendi Klosin në Dibër dhe Erjon Malaj zëvendëson Eduard Shalsin në Kukës.

Po ashtu Rama konfirmoi Bledi Çuçin në Vlorë, Niko Peleshin në Korçë, Mirela Kumbaron në Gjirokastër, Ervin Demon në Berat, Arbjan Maznikun në Elbasan. Ndërkohë Kukësi iu besua Erion Malajt. 

Në ndryshimet e prezantuara nga kryeministri Edi Rama në Asamblenë e PS, Ulsi Manja u largua si drejtues politik i qarkut të Lezhës, për t’u rikthyer në Dibër, ku do të zëvendësojë Blendi Klosin. Ndërkohë Lezha do i bësohet ministrit të Mbrojtjes, Ermal Nufi.

Pas largimit të Manjës nga drejtimi i qarkut të Lezhës, ka reaguar kryebashkiaku socialist i Bashkisë Lezhë, Pjerin Ndreu. Përmes një postimi në rrjetet sociale, Ndreu ka falënderuar Manjën, duke i cilësuar vitet që ai ka qenë drejtues politik në këtë qark si vite suksesi dhe demonstrimi pjekurie.

Po ashtu në postim Ndreu shkruan se fitorja në dy bashkitë Lezhë dhe Kurbin, si dhe rikuperimi i mbi 14 mijë votave në vitin 2025 krahasuar me 2021, janë tregues i qartë i një pune serioze dhe i një drejtimi me nivel të lartë politik.

Reagimi i Pjerin Ndreut:

Faleminderit, miku im më i mirë Ulsi Manja.

Katër vite si drejtues politik i qarkut Lezhë janë vite suksesi të dukshëm, demonstrim pjekurie organizative dhe një fuqie të veçantë komunikuese e bashkërenduese. Fitorja në dy bashkitë Lezhë dhe Kurbin, si dhe rikuperimi i mbi 14 mijë votave në vitin 2025 krahasuar me 2021, janë tregues i qartë i një pune serioze dhe i një drejtimi me nivel të lartë politik.

Gjatë kësaj kohe jam ndjerë i mbështetur në çdo aspekt, në vendime, në sfida dhe në objektivat që kemi ndarë bashkë për zhvillimin e qarkut tonë. Për këtë, falënderimi im është i sinqertë dhe i thellë.

Mirënjohje për kontributin e çmuar në zhvillimet politike dhe ekonomike të Lezhës, si dhe urimet më të mira për detyrën e re si drejtues politik i qarkut Dibër.

Suksese në çdo hap dhe faleminderit për miqësinë, besimin dhe bashkëpunimin.

Kryetari i Grupit Parlamentar të Partisë Socialiste, Taulant Balla ka reaguar pas mbledhjes së Asamblesë Kombëtare të PS, ku u vendos Drejtues Politik i PS për Qarkun e Tiranës dhe vijimin e detyrës si Drejtues Politik i PS për Diasporën.

Përmes një postimi në rrjetet sociale, Balla shkruan se Partia Socialiste në zgjedhjet e 11 Majit mori dy ndër tre vota të shqiptarëve jashtë territorit, në çerek milioni të regjistruar.

Ndërsa si drejtues politik i qarkut Tiranë, Balla deklaron se në zgjedhjet vendore 2027, PS synon t’i fitojë të gjitha bashkitë e qarkut.

Postimi i plotë i Taulant Ballës:

Dy fjalë për dy detyrat që mu besuan sot

Vota për herë të parë e diasporës më 11 Maj ishte historike. Partia Socialiste mori dy ndër tre vota të shqiptarëve jashtë territorit, në çerek milioni të regjistruar. Objektivi për 2029 do jetë trefish më i lartë

Në Tiranë, në zgjedhjet vendore 2027, ne synojmë t’i fitojmë të gjitha bashkitë e qarkut, pa asnjë përjashtim.

Faleminderit

Në përfundim të mbledhjes së Asamblesë së Partisë Sociale, Blendi Klosi tha nga Durrësi se sot u zhvilliua "një analizë e plotë të zgjedhjeve të kaluara të përgjithshme dhe filloi punën e PS për të fituar në të gjithë territorin për zgjedhjet e ardhshme lokale. U miratuan disa vendime të rëndësishme pas analizës së detajuar të çdo qarku dhe po ashtu u miratua plani i punës nga sot deri në 30 qershor për zgjedhjet e reja vendore të PS, do të organizohet puna për analizën e çdo organizate socialiste, zgjedhjet e çdo organizate socialiste. Do të bëhen zgjedhjet e strukturave lokale të PS, procesi i cili do mbyllet brenda datës 12 qershor".

Sekretari i Përgjithshëm tha se edhe "Shkodra dhe Lezha që pavarësisht që nuk janë qarqe fituese, janë qarqe me një rritje të votës" për Partinë Socialiste.

Klosi deklaroi hapur dhe i bindur se në zgjedhjet elektorale të 2027, Partia Socialiste "hyn për të fituar të gjitha bashkitë".

Në zgjedhjet parlamentare të 2025, funksionari i lartë i Partisë Socialiste nënvzioi se kjo forcë politike arriti të fitojë në 80% të qendrave të votimit në Shqipëri.

Në nisje të mbledhjes së Asamblesë, Sekretari i Përgjithshëm Blendi Klosi tha Partia Sociliste është forca politike më e preferuar dhe më e besueshme në Diasporë, ndaj tha se synohet afrimi i sa më shumë emigrantëve shqiptarë edhe në vijim. 

Gjithashtu, Klosi vendosi objektivin e zgjerimit të Partisë Socialiste me 4 anëtarë të rinj për çdo Organizatë Socialiste, 2 djem dhe 2 vajza.

"Diaspora nuk është element dytësor, është pjesë organike e rezultatit tonë politik, gati 200 mijë të vlefshme në diasporë dhe 61.1% për PS tregojnë se shqiptarët jashtë vendit e kanë lexuar PS si forcën më të qëndrueshme dhe të besueshme",- tha Klosi.

"Zgjedhja e strukturave të partisë do të zhvillohet nga 21 marsi deri në 30 qershor, nga sot deri në 16 prill do të jetë njohja dhe analiza e çdo organizate.

4 anëtarë të rinj në çdo organizatë të Partisë Socialiste, 2 shokë dhe 2 shoqe. Do të jetë detyrë takimi me 5 të rinj për çdo qendër votimi në zonat rurale, dhe 10 në qendrat urbane",- shtoi Klosi.

Sekretari i përgjithshëm i PS, Blendi Klosi në mbledhjen e Asamblesë bëri edhe një analizë të punës në zgjedhjet e 2025, krahasuar me 2021. Klodi tha se Fieri del si qarku më i fortë, ndërsa për Tiranën theksoi se është rezervuari më i madh i votës së PS, një qark ku është edhe beteja më e madhe. Klosi tha se rezultatet e 2025-ës tregojnë se PS nuk është vetëm forcë e parë në shumicën e qarqeve, por edhe forca më e organizuar në terren. Betejë socialsitët e shohin ende në qarqe si Kukësi, Shkodra e Lezha.

“Nga 12% e anëtarësisë, numri i të rinjve u rrit në 25% krahasuar me 2021-shin. Numri i grave pati një rritje nga 26% në 34%. Dëshmi e qartë se vetëm në pak muaj riorganizimin përmirësuam ndjeshëm treguesit. Fieri del qarku më i fortë, por shumica e qarqeve janë mesazh stabiliteti për PS. PS nuk është vetëm forcë e parë, por është forca që organizon terren. Tirana është rezervuari më i madh i votës sonë, kjo e bën Tiranën edhe sfidën më të madhe. Lezha për pak vota nuk ia doli të ishte qark fitues, Kukësi dhe Shkodra mbeten territore ku beteja vazhdon. Ndryshimi ndaj 2021, kemi pasur disa pika të rëndësishme. Dibra fiton me 11.5% më shumë, Fieri 10.1%. Shkodra 9.6% më shumë, Gjirokastra me 8% dhe kështu qarqet vazhdojnë pothuajse të gjitha në tendencë rritje”, tha Klosi.

Ndërkohë, Klosi tha se “humbja e një bashkie si Kavaja na dëmton në rezultatin e të gjithë qarkut të Tiranës”. Klosi u shpreh se Tirana është qark i fituar, por jo në maksimumin e PS.

“Nuk kemi arritur akoma maksimumin tonë, këtu flas për të gjithë qarkun. Ka ardhur koha për rivlerësim të njohjes së listës nga strukturat e PS, AI mund të na japë mundësi që duke bashkuar punën e administratës lokale. Kemi një pjesë të listës që është e panjohur për strukturat tona, e kemi bërë kur kemi qenë në opozitë. Sot që kemi teknologji, duhet të kemi strukturë që ta njohë më mirë listën përkatëse”, theksoi Klosi.

Sot në Durrës është mbledhur Asambleja e Partisë Socialiste, takim i cili nisi me fjalën e Sekretarin e Përgjitshëm të kësaj force politike, Blendi Klosi.

Klosi nuk kurseu vlerësimin për lidershipin e Edi Ramës, duke thënë se falë tij Partia Socialiste sot është më fituese dhe më e organizuar se kurrë. Ai shtoi se fitorja e thellë e PS-së në zgjedhjet parlamentare të 2025, me mbi 300 mijë vota diferencë me opozitën, tregon se selia rozë “ka marrë një fitore të plotë, jo fitore të rastësishme, dhe as të ngushtë”.

“Partia Socialiste nën drejtimin e Edi Ramës vjen sot në vitin e saj të 35 më fituese dhe më e organizuar se asnjëherë më parë. Jemi mbledhur sot pas konfirmimit nga vota e shqiptarëve si forca e qeverisë së vendit, dhe kjo e bën mbledhjen e Asamblesë një takim vlerësues për këtë moment të rëndësishëm politik që ne ndodhemi. Fitorja jonë nuk është një fitore e zakonshme, por një provë besimi e jashtëzakonshme, është një mesazh i qartë se shumica e shqiptarëve ka zgjedhur stabilitetin dhe seriozitetin e qeverisjes nga drejtimin e vendit nga Edi Rama dhe Partia Socialiste. Një parti që fiton 4 herë radhazi nuk mund të jetë si një parti që fiton për herë të parë, duhet të ketë më qartë dhe më kërkuese. Partia Socialiste ka marrë një fitore të plotë, jo fitore të rastësishme, dhe as të ngushtë. Rezultati kombëtar i vitit 2025, 855 mijë e 831 vota për Partinë Socialiste, nuk është vetëm një rezultat matematikor, është një kontratë e ribesuar mes Partisë Socialiste dhe shqiptarëve, diferenca 300 mijë vota me kundërshtarët tanë është një diferencë politike për drejtimin e Shqipërisë. Fakti që diaspora i jep PS 61% të votave jashtë vendit, e bën këtë fitore më të jashtëzakonshme”,- tha Klosi ndër të tjera.