POP 5

Lajmet më të lexuara të 5 minutave të fundit

Kronikë

Asgjësohen 16700 rrënjë kanabis
në Vlorë, Durrës dhe Pukë 

Policia e Shtetit vijon asgjësimin e kanabisit në të gjithë vendin. Ditën e sotme aksioni është shtrirë në Fier, Vlorë, Lezhë, Kurbin, Krujë, Durrës, dhe Pukë ku janë asgjësuar 16700 rrënjë kanabis sativa.
Policia e Shtetit vijon asgjësimin e kanabisit në të gjithë vendin. Ditën e sotme aksioni është shtrirë në Fier, Vlorë, Lezhë, Kurbin, Krujë, Durrës, dhe Pukë ku janë asgjësuar 16700 rrënjë kanabis sativa. 

Fier
Policia e Fierit ka asgjësuar mëngjesin e sotëm 1880 rrënjë kanabis sativa. Konkretisht bimët janë asgjësuar në vendin e quajtur “Pylli i lumit” në fshatin Adë, ku u gjetën 1520 rrënjë kanabis.

Ndërsa në vendin e quajtur “Përroi i Madh” në fshatin Drenovë, u gjetën dhe u asgjësuan me anë të djegies 270 bimë të tjera kanabis sativa.

Policia po punon për identifikimin dhe kapjen e kultivuesve të bimëve narkotike.

Materialet i kaluan Prokurorisë pranë Gjykatës së Shkallës së Parë Fier për veprën penale "Kultivimi i bimëve narkotike".

Vlorë
Ndërsa në Vlorë policia ka asgjësuar 3700 rrënjë bimë të dyshuar narkotike të llojit kanabis sativa. Bimët narkotike u gjetën të mbjella në fshatin Tragjas dhe Dukat të Vlorës, të cilat ishin të kultivuara në vendin e quajtur ne Malin "Soft" dhe në vendin e quajtur "Përroi Shën Gjergjit"

Policia bëri asgjësimin e tyre me anë të djegies me zjarr, sakaq po punohet për identifikimin dhe kapjen e kultivuesve të këtyre bimëve narkotike.

Lezhë dhe Kurbin
Sakaq në Lëzhë dhe Kurbin janë asgjësuar 1250 rrënjë kanabis sativa. Konkretisht në Lezhë në fshatin Gjashë i Vjetër, në një terren me pisha u asgjësuan me anë të djegies 235 bimë narkotike si dhe u konstatuan 243 gropa të hapura për mbjellje bimësh narkotike me cikël të shkurter 45 ditor. Ndërsa në Kurbin, në fshatin Gërnac, u konstatuan dhe asgjësuan me anë të djegies 970 bimë narkotike të kultivuara në 6 parcela. 

Policia po heton për identifikimin dhe kapjen e autorëve. Materialet procedurale u referuan Prokurorive të Rretheve Gjyqësore Lezhë dhe Kurbin, për vepren penale "Kultivimi i bimëve narkotike".

Krujë
Policia e Krujës ka asgjësuar 3200 rrënjë kanabis sativa. Bimët narkotike u gjetën gjatë kontrollit të ushtruar në vendin e quajtur “Grykë Shkallë, dhe “Shtrati i Lumit Gjole” Krujë.Po punohet për identifikimin dhe kapjen e autorëve. 

Durrës
Policia e Durrësit ka asgjësuar gjithashtu 970 rrënjë kanabis sativa. Bimët janë gjetur dhe asgjësuar me anë të djegies në vendin e quajtur “Përroi i Bizës” dhe “Pylli I Bizës”. Blutë e Durrëisit po vazhdojnë punën për identifikimin dhe kapjen e autorëve.  

Materialet I kaluan Prokurorisë së Rrethit Gjyqësor Durres për veprime të mëtejshme për veprën penale"Kultivimi i bimëve narkotike".

Pukë
Policia e Pukës ka asgjësuar ditën e sotme 5700 rrënjë kanabis sativa. Bimët u gjetën në fshatin Gjegjan të mbjella në 5 parcela me kanabis me lartësi 80 deri në 180 cm.
Blutë e Pukës po vijojnë punën dhe identifikimin dhe kapjen e kultivuesve. 


Redaksia Online
XH.K/shqiptarja.com 

/Shqiptarja.com
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Austri/ Schallenberg caktohet kancelar i përkohshëm

Austri/ Schallenberg caktohet kancelar i përkohshëm

8 Janar, 16:55