POP 5

Lajmet më të lexuara të 5 minutave të fundit

Ekonomi

Ashpërsohet ligji për ndërtimet pas tërmeteve të 2019! Rritet vlera e gjobave, projektet e reja do të kenë mbikëqyrës të licencuar

Pas tërmetit që sheshoi pallatet e banesat, institucionet shtetërore kanë gjetur edhe pikën e kthesës për cilësinë e ndërtimeve në vend. Është drejtuesi teknik përgjegjësi i punimeve i cili menjëherë duhet të lajmërojë IKMT për devijimin e punimeve nga leja e ndërtimit. Masat, me rritje të gjobave dhe përgjegjësit e procesit janë draftuar në një projektligj të ri.

Tërmetet e vitit të kaluar ia kanë dhënë një mësim të mirë institucioneve shtetërore për ndërtimet në vend, ndërsa vjen një draft ligjor më i ashpër për ndërtimet e reja. Këshilli i Ministrave ka depozituar në Kuvend një projektligj për “Kontrollin dhe disiplinimin e punimeve të ndërtimit”, i cili ka si qëllim kontrollin dhe kolaudimin e ndërtesave të reja.

Pika e kthesës sipas këtij drafti nis tek drejtuesit teknik të ndërtimeve të reja, si përgjegjësit kryesorë për zbatimin e punimeve. Ata kanë detyrë të njoftojnë menjëherë Inspektoratin Vendor të Mbrojtjes së Territorit në rastet kur kryhen punime në kundërshtim me lejen e ndërtimit.

Por njëkohësisht drafti i ri ashpërson edhe masat ndëshkuese për subjektet që do të shkelin ligjin në ndërtimet që do të marrin përsipër. Gjobat për ata që do të shkelin kuadrin ligjor do të jenë 1-3 milionë lekë sipas rastit, dhe jo më 50 mijë deri 2 milionë lekë sikurse e përmban ligji aktual.

Një tjetër kriter i kërkuar në propozimin e Këshillit të Ministrave është një punonjës shtesë nga kompanitë si një mbikëqyrës punimesh.

“Mbikëqyrësi i punimeve personi fizik ose juridik, i licencuar për ushtrimin e mbikëqyrjes së punimeve, vendas apo i huaj, i cili ka përgjegjësi kontrollin e mbarëvajtjes të të gjithë procesit të zbatimit të punimeve, në përputhje me projektin, kushtet teknike të projektimit, të zbatimit, grafikun e punimeve, si dhe destinacionin e objektit, duke pasur parasysh edhe anën ekonomike të tij”, thuhet në projektligj.

Po për ndërtimet do të ngrihet edhe një Komisioni Disiplinor, i cili do të jetë një organ ad hoc dhe mbështetet administrativisht nga ministria përgjegjëse për ndërtimin, që do të monitorojë punimet e reja.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00