POP 5

Lajmet më të lexuara të 5 minutave të fundit

Kronikë

Asistencë në Lundër për rezervat e shtetit, Xhaçka: Gati ndihma ushqimore për më shumë se 30 mijë familje

Rezervat e Shtetit  në Lundër janë kthyer në një kantier të madh ku punohet pa ndërprerje për të bërë të mundur asistencën me pako ushqimore të familjeve në nevojë.

Ministrja e Mbrojtjes Olta Xhaçka, së bashku me shefin e shtabit të përgjithshëm Bardhyl Kollçakun dhe drejtorin e agjencisë kombëtare të mbrojtjes civile Haki Çakon kanë qenë sot në rezervat e shtetit në Lundër me qëllim inspektimin dhe drejtimin e punës për ndihmuar me ushqime familjet në nevojë.

Prej disa kohësh po punohet pa ndërprerje për asistencën e kësaj kategorie dhe për këtë ministrja Xhaçka është shprehur: “E rëndësishme është që kontrata që sapo kemi finalizuar, prej  830 mijë eurosh, na krijon mundësinë që të furnizohemi me mallra ushqimore për t’i ardhur në ndihmë mbi 30 mijë familjeve."

Ajo kërkoi  ndihmën e Komnadës Mbështetëse për të vënë në dispozicion magazinat e saj pasi ato të Rezervave të Shtetit nuk mjaftojnë për magazinimin e të gjitha produkteve për shkak të sasisë së madhe të pakove që përgatiten.

Drejtori i Agjencisë Kombëtare të Mbrojtjes Civile, Haki Çako garantoi se deri më tani situata është plotësisht në kontroll në bashkëpunim edhe me kryetarët e bashkive. Ndërsa Shefi i Shtabit të Përgjithshëm Gjeneral Bardhyl Kollçaku theksoi se FA do të dyfishojnë kapacitetet për të ndihmuar jo vetëm me operacionin e shpërndarjes në terren, por edhe për çdo nevojë tjetër.

“Deri më tani me ndihmën e pushtetit vendor, shërbimit social edhe të gjithë aktorëve të tjerë është bërë e mundur ndihma për mbi 250 mijë qytetarëve dhe familjeve në nevojë. Cilatdo të jenë sfidat me të cilat mund të përballemi, për shkak të luftës me një armik të padukshëm, puna vijon për sigurimin e nevojave ushqimore pa ndërprerje, përgatitjen e pakove familjare dhe dërgimin e tyre derë më derë përmes Rezervave të Shtetit, pushtetit vendor, Forcave të Armatosura, Policië së Shtetit, Shërbimit Social apo shoqatave bamirëse,”- bëri me dije ministrja Xhaçka.

Ligji “Për Mbrojtjen Civile”, ngarkon me përgjegjësi primare bashkitë, si strukturat e para që duhet të reagojnë në raste emergjencash civile apo fatkeqësi natyrore, për marrjen e masave dhe sigurimin e asistencës me ushqimet bazë, pikësëpari të familjeve në nevojë.

Pasi bashkitë të kenë ezauruar fondet e tyre dedikuar me ligj për situata të tilla, atëherë Ministria e Mbrojtjes, përmes Rezervave të Shtetit ndërhyn për t’u ardhur në ndihmë. Aktualisht, bashkitë po ndjekin procedurat ligjore për prokurimin e mallrave të tillë, sipas ligjit përkatës për blerje në raste emergjencash.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama akuzon PD-në: Nxit akte anti-shqiptare në tokë të huaj

Rama akuzon PD-në: Nxit akte anti-shqiptare në tokë të huaj

24 Nëntor, 13:57