Dekriminalizimi ka qenë që nga fillimi një ligj poshtërues për vendin, i cili kishte shkak dhe pasojë kryesisht vesin e “Rilindjes” për t’u furnizuar me “politikanë bashkëkohorë” tek kontigjentet më të inkriminuara të shoqërisë.
Kur ai u miratua disa vjet më parë në parlament, gjithkush mendonte se ai do të ishte i përkohshëm dhe do të kishte vlerë aq sa udhëheqësit dhe partitë e tyre të mësoheshin me rregullat e reja, që banditët apo trafikantët nuk mund të ishin më deputetë, kryetarë bashkish apo zyrtarë të tjerë rangjesh të larta.
Kishte vetëm dy rrugë, që vendi të shpëtonte nga ky fenomen i neveritshëm.
E para, të krijohej një traditë e konsoliduar e sistemit politik, që nuk do t’i linte të afroheshin fare elementët e kriminalizuar, dhe kjo do ta bënte praktikisht të panevojshëm ligjin, edhe sikur askush të mos kujtohej më për të.
Tjetra, ishte që të ndërhyhej menjëherë, duke i shkulur rrënjët së keqes.
Rastet e fundit me të përzgjedhurit e Ramës tregojnë se “huqi del me shpirtin” dhe kjo të çon në përfundimin se Shqipëria nuk ka asnjë arsye pse të presë dhe shpresojë në efektet vetërregulluese të dekriminalizimit.
Ndaj mënyra e vetme për ta nxjerrë vendin nga kjo spirale e rrezikshme është që të prishim djepin që e lindi dhe barkun që e ushqen.
Me pak fjalë, të rrëzojmë nga pushteti “Rilindjen” e Edi Ramës, si rruga më e shkurtër dhe me e dobishme kombëtare për të shkuar tek rezultati.
Shembujt e përsëritur të mishngrënësve të “Rilindjes”, që bien në çarkun e dekriminalizimit, nuk janë argument për të mos marrë pjesë në zgjedhje, por për t’i zhvilluar ato mundësisht që nesër.
Ndaj edhe është detyrim i çdo formacioni opozitar që të kërkojë dhe provokojë zgjedhje të parakohshme për t’i shkurtuar ditët kësaj qeverie të korruptuar dhe të diskretituar.
Çdo qëndrim tjetër do të ishte një akrobaci fyese për shqiptarët, të cilët, në rastin më të mirë, do të konsideroheshin si të pandjeshëm ndaj “të fortëve”, që u serviren si shefa politikë prej “Rilindjes”, për të mos shkuar më larg se kaq…
Lajme të tjera
-
Dekriminalizimi/ KQZ nis verifikimin e kryebashkiakut të PS në Malësisë së Madhe! PD e akuzon Tonin Marinaj për trafik droge në Itali
11 Korrik, 12:35 -
Dekriminalizimi/ PD kërkesë Prokurorisë: Verifiko kryebashkiakun socialist të Malësisë së Madhe! Tonin Marinaj: Akuza të fabrikuara
2 Korrik, 14:55 -
Dekriminalizimi/ KQZ çon në Prokurori kryebashkiakun PS të Libohovës! PD: Hide, fshehu faktin se po hetohej për kultivimin e kanabisit në Gjirokastër
24 Maj, 17:25 -
Dyzet hajdutët e 'Rilindjes' në kërkim të Edi Ramës
13 Dhjetor 2023, 11:13
-
SPAK merr të pandehur Kryebashkiakun e Kuçovës Kreshnik Hajdari
15 Nëntor 2023, 09:58 -
Kryebashkiaku i Kuçovës rrezikon shkarkimin? KQZ mblidhet nesër për Kreshnik Hajdarin! Greqia sjell letërporosinë
13 Nëntor 2023, 10:41 -
Kuvendi fut në axhendë draftet kundër politikanëve të lidhur me ish-Sigurimin
30 Qershor 2023, 17:07 -
Humbja e thellë e PD-së më 14 maj, Astrit Patozi për Report Tv: Shkak përçarja! Nëse Berisha dhe Basha vijojnë ‘luftën’, s’ka bashkim
1 Qershor 2023, 14:25 -
PD kërkon mos regjistrim të Qerim Ismailajt si kandidat në Mallakastër, Kolegji shqyrton me 24 prill ankimin! Përcaktohet trupa gjykuese
19 Prill 2023, 12:07 -
Dekriminalizimi, Olsjan Çela: Verifikimi i subjekteve zvarritet dhe i paplotë, shumica e vendeve jashtë refuzojnë të na japin informacion
13 Prill 2023, 12:34 -
'Vendoret', 2 kërkesa ankimore në KAS! Bindja Demokratike kërkon t'i njihet si kryetar Fabian Topollari, LZHK kërkon ndryshimin e emrit
18 Mars 2023, 10:03 -
Opozita e përçarë/ Patozi: Meta dhe Berisha nuk preferohen si alternativë! Kulluri: Njerëzit e gabuar për revolucion! Duka: Të fitojmë ç'të mundemi
23 Shkurt 2023, 21:44
