Shkoder- Policia e Shkodrës zbardh atentatin që tronditi Shkodrën një javë më parë ku mbeti i vrarë Elis Rroshkodoli. Paraditen e 30 gushtit 2024, 36 vjeçari po qëndronte në një lokal në lagjen “Ahmet Haxhia” kur persona të maskuar janë afruar me makinë dhe qëlluan me breshëri plumbash drejt tij.
Në kuadër të operacionit të koduar 'Fjalëkryqi", policia njoftoi sot (6 shtator 2024) se ka arrestuar Xhulio Malon, 26 vjeç pasi akuzohet se siguroi kushtet dhe mjetet për të kryer vrasjen, ndërsa janë shpallur në kërkim 3 bashkëpunëtorit e tij të identifikuar. Në kërkim janë shtetasit J. Xh., 31 vjeç, V. Xh., 38 vjeç dhe D. M., 42 vjeç.
" Në kuadër të këtij operacioni, u identifikua, u kap dhe u vu në pranga shtetasi Xhulio Malo, 26 vjeç, për veprat penale “Sigurimi i kushteve dhe i mjeteve materiale për të kryer vrasje”, “Veprime që pëngojnë zbulimin e së vërtetës” dhe “Trafikimi i mjeteve motorike”, kryer në bashkëpunim. Gjithashtu, u identifikuan dhe u shpallën në kërkim, për veprat penale “Vrasja me paramendim”, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Trafikimi i mjeteve motorike”, kryer në bashkëpunim, shtetasit J. Xh., 31 vjeç, V. Xh., 38 vjeç dhe D. M., 42 vjeç.
Nga hetimet dyshohet se këta 4 shtetas kanë organizuar dhe kanë kryer vrasjen e shtetasit E. Rr. (Sh.)' informoi sot policia e Shkodrës
Grupi i vrasësve me pagesë
26 vjeçari Xhulio Malo, nuk është një emër i panjohur për policinë. Kur ishte vetëm 17 vjeç, Xhulio Malo rezulton të ketë qenë dhe anëtar i grupit të zjarrit që në 2015 vranë efektivi e RENEA-s në Lazarat, Ibrahim Basha. Në 2018 gjykata e Apelit e Krimeve të Rënda dënoi Xhulio Malon me 10 vjet burgim. Të katër autorët mendohet se janë pjesë e një grupi të vrasësve me pagesë.
Pasi qëlluan me 18 plumba drejt Elis Rroshkodolit autorët dyshohet se kanë çmontuar makinën në një garazh në Mullet që policia dyshon se përdorej si bazë për të fshehur makinat me të cilat kryenin krimet.
Në Mullet kishin bazën e makinave për vrasjet me pagesë
Pamjet e kamerave të sigurisë dhe dëshmitë e disa personave kanë ndihmuar për të zbardhur atentatin në rrugën “Isuf Sokoli” në Shkodër. Ndërkohë gjurmimi i policisë së Shkodrës çoi në zbulimin e një garazhi në Mullet që përdorej si bazë për të fshehur automjetet e trafikuara, të cilat do të përdoreshin gjatë kryerjes së krimeve.
Gazetari i Shqiptarja. com dhe Report Tv Sokol Dema bën me dije se bëhet fjalë për një garazh në kat nëntokë, në një rrugë dytësore në zonën e Mulletin, të cilin i disponojmë dhe foto. Në garazhd u gjetën dhe 3 makina dhe pjesë të makinës që dyshohet
"Në vijim të operacionit, në bashkëpunim me shërbimet e DVP Tiranë, u zbulua në territorin e bashkisë Tiranë, një garazh, ku këta 4 shtetas mbanin automjete të trafikuara nga shtete të ndryshme të Europës, të cilat dyshohet se janë siguruar për të shërbyer gjatë kryerjes së krimeve të rënda kundër personit. Nga kontrollet në këtë ambient u gjetën dhe u sekuestruan në cilësinë e provës materiale 3 automjete të dyshuara të trafikuara dhe pjesë të automjetit të dyshuar të përdorur nga autorët, gjatë vrasjes së shtetasit Elis Rroshkodoli (Sh.)" thuhet në njoftimin e policisë.
Në kërkim: J. Xh., 31 vjeç, V. Xh., 38 vjeç dhe D. M., 42 vjeç. Të akuzuar për veprat penale “Vrasja me paramendim”, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Trafikimi i mjeteve motorike”, kryer në bashkëpunim
Sekuestrohen 3 automjete të trafikuara nga shtete të ndryshme të Europës dhe pjesë të automjetit të përdorur nga autorët, gjatë vrasjes së shtetasit E. Rr. (Sh.)
Atentati që tronditi Shkodrën
Atentati ndaj Elis Rroshkodolit ndodhi më 30 gusht 2024. 36 vjeçari, një person me precedent të mëparshëm kriminal, u ekzekutua me breshëri plumbash teksa ishte ulur në një lokal në lagjen “Ahmet Haxhia” në Shkodër. Sipas dëshmive të mbledhura atë ditë autorët ka qenë i maskuar dhe kishin shkuar me një Benz ngjyrë gri. Pasi janë ndalur para lokalit, njëri ka dalë nga makina dhe ka qëlluar me breshëri plumbash ndaj të riut. Viktima kishte 14 plumba në trup nga 18 gëzhoja që u gjetën në vendin e ngjarjes.
Kush ishte Elis Rroshkodol?
Viktima 36 vjeç nuk është emër i panjohur për blutë në Shkodër. Njihej si person tejet problematik brenda dhe jashtë vendit. Në vitin 2023, Elis Rroshkodol plagosi me thikë një të ri rumun, periudhë në të cilën u arratis drejt Stambollit. Ndërsa në 2014-ën rezulton të jetë arrestuar bashkë me një grup shqiptarësh të tjerë për grabitje në Belgjikë. Ndërkohë në 1997 i kishin vrarë të atin
Njoftimi i policise
Si rezultat i një pune intensive operative dhe hetimore, të kryer nga strukturat e Drejtorisë Vendore të Policisë Shkodër, në bashkëpunim me shërbimet e Drejtorisë Vendore të Policisë Tiranë dhe me Prokurorinë e Shkodrës, me qëllim zbardhjen e dinamikës dhe autorësisë së vrasjes së shtetasit E. Rr. (Sh.), kryer më datë 30.08.2024, në një lokal në lagjen “Ahmet Haxhia”, u finalizua operacioni policor i koduar “Fjalëkryqi”.
Në kuadër të këtij operacioni, u identifikua, u kap dhe u vu në pranga shtetasi Xh. M., 26 vjeç, për veprat penale “Sigurimi i kushteve dhe i mjeteve materiale për të kryer vrasje”, “Veprime që pëngojnë zbulimin e së vërtetës” dhe “Trafikimi i mjeteve motorike”, kryer në bashkëpunim. Gjithashtu, u identifikuan dhe u shpallën në kërkim, për veprat penale “Vrasja me paramendim”, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Trafikimi i mjeteve motorike”, kryer në bashkëpunim, shtetasit J. Xh., 31 vjeç, V. Xh., 38 vjeç dhe D. M., 42 vjeç.
Nga hetimet dyshohet se këta 4 shtetas kanë organizuar dhe kanë kryer vrasjen e shtetasit E. Rr. (Sh.).
Në vijim të operacionit, në bashkëpunim me shërbimet e DVP Tiranë, u zbulua në territorin e bashkisë Tiranë, një garazh, ku këta 4 shtetas mbanin automjete të trafikuara nga shtete të ndryshme të Europës, të cilat dyshohet se janë siguruar për të shërbyer gjatë kryerjes së krimeve të rënda kundër personit.
Nga kontrollet në këtë ambient u gjetën dhe u sekuestruan në cilësinë e provës materiale 3 automjete të dyshuara të trafikuara dhe pjesë të automjetit të dyshuar të përdorur nga autorët, gjatë vrasjes së shtetasit E. Rr. (Sh.).
Vijojnë intensivisht kërkimet me qëllim lokalizimin dhe ndalimin e 3 shtetasve të shpallur në kërkim. Materialet procedurale i kaluan Prokurorisë së Shkodrës, për veprime të mëtejshme
Raportoi për ngjarjen Ergys Kavaja dhe Sokol Dema
Lajmi ne perditesim...
Në foto 'Porsche' i vjedhur në Sllovaki qe ndodhej ne garazhd.
Report Tv siguron foto të garazhit në Mullet të Tiranës ku grupi kriminal fshihte makinat të cilat i përdorte për vrasje.
Në foto 'Porsche' i vjedhur në Sllovaki. Fotoja u sigurua nga gazetari Sokol Dema.
Foto: Ibrahim Basha dhe Xhulio Malo
Gazetari i Report Tv dhe Shqiptarja.com, Sokol Dema, siguron foton e të arrestuarit për atentatin ndaj Elis Rroshkodol në Shkodër. Ai është Xhulio Malo, një emër i njohur edhe si pjesë e "grupit të zjarrit" në Lazarat më 2015, kur u vra speciali Ibrahim Basha gjatë operacionit policor. 26 vjeçari akuzohet se siguroi kushtet dhe mjetet për të kryer vrasjen, sikurse edhe arsenalin e armëve.
Ndërkohë në 2015 ai rezulton të jetë arrestuar dhe prë vrasjen e efektivit të RENEA-s Ibrahim Basha, ngjarje e ndodhur më 24 qershor 2015.
Dhe i arrestuari Xhulio Malo, nga Lazarati, i akuzuar si i përfshirë në atentatin e Shkodrës ndaj Elis Rroshkodol (Shkoza) javën e kaluar, nuk është një emër i panjohur për Policinë e Shtetit dhe Drejtësinë.
Xhulio Malo, foto nga FB në vitin 2015, pas arrestimit
I njohur si mbështetës apo fans i Shtetit Islamik ISIS, ai cilësohej edhe si një nga anëtarët e grupit të të rinjve, ish-ushtar i Gate Mahmutajt (i vdekur), në Lazarat. Madje ai është arrestuar i dyshuar për pjesëmarrje në vrasjen e efektivit të RENEA-s, Ibrahim Basha, në atë pritë të 24 Qershorit 2015 në Lazarat, një vit pasi policia kishte marrë nën kontroll fshatin në operacionin antikanabis.
Së bashku me vëllezërit Alban dhe Arbion Aliko, të dyshuar dhe dënuar si organizatorë, si dhe 6 të rinj të tjerë, ata lëshuan breshëri plumbash.
Dy efektivë të tjerë u plagosën. Xhulio Malo u identifikua dhe kap dy ditë më pas. Ai rrëfeu skemën e krimit për hetuesit, duke shpjeguar se autorët ishin vëllezërit Aliko dhe se planin për sulm ndaj policisë e përgatisnin prej 6 muajsh. Malo, në atë kohë vetëm 17 vjeç, u akuzua si personi që siguroi armatimet e grupit. Ai e refuzoi akuzën, por gjithashtu u dyshua se ishte personi që tërhoqi në kurth grupin e specialeve të RENEA-s, pas të shtënave me armë dhe ndjekjes me makinë.
Kur efektivët me makinën jo të blinduar u afruan në kodër, u gjendën në kryqëzim zjarri dhe pa mundësi shpëtimi. Në një vëzhgim të profilit të tij në Facebook, u gjetën foto të Malos në plantacione hashashi, foto të ISIS në Siri dhe madje foto të tij si përkrahës i tyre dhe me gishtin lart. Malo tha në atë kohë se grupi kishte 15 persona dhe dispononin snajpera dhe armë të rënda.
Pas masës së sigurisë nga ish-Gjykata e Krimeve të Rënda më 27 Qershor 2015, Malo iu nënshtrua hetimeve, teksa përfitoi edhe si dëshmitar që ndihmoi Prokurorinë me rrëfimin dhe u dënua vetëm me 10 vite burgim. Vendimi për grupin e zjarrit me 11 të pandehur u dha më 21 Mars 2018, teksa gjithashtu u dhanë edhe dy dënime përjetë. Konkretisht izolim përjetë për Arbion Alikon dhe Barjam Bocia, e 150 vite burg ne total për nëntë të akuzuarit e tjerë.
Pas vuajtjes së izolimit ai ishte liruar, teksa ka rënë përsëri në pranga sot (6 Shtator), në lidhje me një tjetër vrasje, atë të ndodhur në Shkodër më 30 Gusht.
Xhulio Malo në një parcelë kanabisi në Lazarat, foto nga FB
Foto: Xhulio Malo i arrestuari
Detaje të reja lidhur me vrasjen e Elis Rroshkodolit më 30 gusht në qytetin e Shkodrës. Policia e Shkodrës dekalroi se 4 personat kishin një garazh në territorin e bashkisë Tiranë, që iu shërbente 4 shtetasve, si bazë kriminale për të fshehur automjete të trafikuara, të cilat do të përdoreshin gjatë kryerjes së krimeve.
Po ku ndodhet ky garazh?
Baza e makinave që dyshohet se janë përdorur nga grupi kriminal që vrau Rroshkodolin është gjetur në Mullet. Bëhet fjalë për një garazh në kat nëntokë, i cili është gjurmuar nga Policia e Shkodrës, mëson gazetari i Shqiptarja.com dhe Report Tv Sokol Dema.
Po kështu gazetari mëson se emri i personit të arrestuar në Shkodër, ai është Xhulio Malo, ndërsa 3 janë në kërkim.
Komente
Lajme të tjera
-
I vunë tritol në banesë, gjyqtari i Gjykatës së Shkodrës nuk kalon vetingun, KPK shkarkon Tonin Stërkaj
4 Shtator, 16:22 -
Atentati ndaj 'Audi-t' të blinduar në Bushat, shoqërohet disa orë në polici Safet Bajri, më pas lihet i lirë
3 Shtator, 18:10 -
Shkodër/ E rëndë në fshatin Obot, 18 vjeçarin e merr lumi Buna! Gjendet pajetë nga shërbimet e policisë
3 Shtator, 16:36 -
Shkodër/ I gjetën në shtëpi 8 kg kanabis, arrestohet babai, në kërkim i biri adoleshent
3 Shtator, 11:55 -
Shkodër/ Ishin mbjellë në një zonë të thellë malore, asgjësohen 3459 bimë kanabis! Shpallen në kërkim babë e bir
1 Shtator, 12:48 -
Siguria detare/ Nga Ksamili në Koman 18 mjete lundruese të bllokuara gjatë kësaj jave! Gjobiten me nga 1 mln lekë drejtuesit e 4 mjeteve
1 Shtator, 11:43 -
Atentati në Shkodër, kamerat zbulojnë makinën që ndihmoi ekzekutorit të largohej! I ndërruan targat në aksin Shkodër-Tiranë
31 Gusht, 18:17 -
Atentati në Shkodër, dyshohet për vrasës me pagesë! Autori i maskuar zbriti nga ‘Benzi’ gri dhe e qëlloi, 14 plumba i morën jetën 36-vjeçarit
31 Gusht, 10:32
-
VIDEO/ Momenti kur autori i maskuar i vendos tritolin agjencisë funerale në Shkodër, pronarët nuk i kishin shlyer një borxh
31 Gusht, 09:22 -
Koplik/ Kundërshtoi me forcë gjobën e policit, vihet në pranga 37 vjeçari
30 Gusht, 17:30 -
Rruga e Komanit katastrofë! Massafra thirrje Qeverisë: Investoni sa më parë, jeta e mijëra banorë e turistëve në rrezik
30 Gusht, 16:15
-
Terrorizoi Belgjikën dhe plagosi biznesmenin rumun, pse Elis Rroshkodol u bë Elis Shkoza? Mori emrin e artistit shkodran, lidhje indirekte e Al Bano
30 Gusht, 15:08
Gjynaf cuna te rinj u jepet mundesia te korrigjohen dhe ja cfare bejne paska qene edhe besimtare mysliman i shkreti.
PërgjigjuKu do futesh o xhuljano me shoket . Do vdisni
PërgjigjuMe keto akuza ky paloco del prape nga burgu per 4 vite dhe vazhdon shkollen e krimit. Akuzojeni si te gjithe te tjeret per vrasje ne kuader te grupit te strukturuar kriminal dhe jepini te perjetshem. Ky nuk behet me njeri.
PërgjigjuKëtyre Mostra bëni nga një qilper dhe dergojini aty ku nuk kthehen më. qak iprishur
PërgjigjuPo policia pse se vret ktē kriminelin vesh derr pēr ça e duan ktē jashqitje tē kombit.
Përgjigjuhajd se behet pendito shume shpejt
PërgjigjuPergezime policise per punen profesionale. Gje qe deshmon qe nese policia nuk eshte e kapur nga krimi, mund te jete vertete e vleresuar dhe profesionale.
PërgjigjuPer cdo kriminel qe vritet, shtohen 3 te tjere! Me keto ritme Shqiperia ne 10 vitet e ardhshme do shnderrohet si Haiti!
Përgjigju