SHKODËR- Policia e Shkodrës është rikthyer sërish në skenën e krimit ku një ditë më parë, (30 tetor 2024), u vranë në një atentat mafioz Hamza Lici, Arlind Bushati dhe një kalimtare e rastit, Flutura Basha. Deri tani, Policia e Shkodrës ka sekuestruar kamerat e sigurisë, ndërkohë që ka marrë në vëzhgim edhe automjetin e djegur në fshatin Golem.

Në makinë ishin 3
Policia e Shkodrës dyshon se në makinën e viktimave kanë qenë 3 persona, kjo pasi u gjetën 3 pistoleta. Bëhet fjalë për një person që është larguar menjëherë nga vendi i ngjarjes por është filmuar nga kamera amatore, ndërkohë  policia ka gjetur gjumë gjaku të cilat janë dërguar për ekspertim në laboratorin kriminalistik.  Ai eshtë i veshur me bluzë, xhaketë dhe pantallona të zeza ndërsa duart i ka me gjak dhe në ball ka gjurmë gjaku. Hetuesit po punojnë për ta identifikuar dhe lokalizuar. 

Viktimat u nxorën nga makina
Shqiptarja.com dhe Report Tv disponon pamjet pak minuta pas atentatit ku tre trupa janë të shtrira në tokë, një makinë e bërë shoshë nga plumbat dhe motori i shkatërruar me të cilën udhëtonte çifti I bashkëshortëve që u gjendën rastësisht aty. Por për shkak të pamjeve të rënda dhe ndjeshmërisë që mund të shkaktojë ka vendosur të mos e publikojë.  Arlind Bushati dhe Hamza Lici janë jashtë makinës. Dyshohet se ata janë nxjerrë nga makina nga personi i tretë që ka qenë në makinë me ata.

Atentatorët dyshohen nga Mali i Zi 
Ndërkohë dyshohet se ekzekutimi është kryer nga vrasës me pagesë, që mendohen se janë djem në moshe të re të ardhur nga Mali i Zi. Sipas hetuesve, dy janë qitës, i treti shofer dhe një i katërt mendohet se i priti në rrethina, ku vrasësit u arratisën pasi dogjën makinën “Range Rover”. Pista kryesore është ajo e hakmarrjes mes bandave, pasi njihet armiqësia disa vjeçare mes Liceve dhe Bajrave.

Merret në pyetje fisi Bajri
Por 24-orë pas krimit, Policia e Shkodrës nuk ka identifikuar atentatorët dhe as porositësit. Rreth 20 persona u morën në pyetje dhe me pas u lanë të lirë, mes tyre janë dhe Safet Bajri, Ilir dhe Enver Bajri dhe nipa të tyre. Në deklarime para hetuesve Safet Bajri pretendoi se në kohën e atentatit ka qenë me familjen në shtëpi, e kjo mund të vërtetohet nga kamerat e sigurisë që e survejojnë 24 orë. As dëshmitaret në vendngjarje nuk ndihmuan grupin hetimor në zbardhjen e detajeve.

Makina e Licit hyri pak ditë më parë nga Mali i Zi 
Burimet thanë se makina e viktimave tip “Mercedes Benz S Class” rezulton se ka hyrë pak ditë më parë në Shqipëri nga Mali i Zi, ndërsa është parë duke lëvizur në Dobraç, disa ditë para se Hamza Licin e  Arlind Bushati të binin në pritë.

Ndërsa makina e atentatorëve u gjet plotësisht e shkrumbuar, aq sa hetuesit nuk mund të lexojnë numrin e shasisë dhe targat. Megjithatë, po ekspertohet, me shpresën se mund të rikuperohet ndonjë e dhënë me rëndësi.

Në vendngjarje, një ditë pas masakrës, policia po has vështirësi në sigurimin e pamjeve nga kamerat e sigurisë. Në zonën e Dobraçit ka pak kamera sigurie në rrugë apo biznese, një pjesë e tyre të koduara.

Si ndodhi atentati
Ka qenë ora 15: 50 minuta e 30 tetorit 2024 kur makina e viktimave, e cila drejtohej nga 23-vjecari Hamza Lici dhe pasagjer Arlind Bushati 32-vjeç, po lëvizte në zonën që konsiderohet “bastion” i fisit të Bajrave në Dobraç. Atentatorët i dolën paralel në të majtë dhe nisën breshërinë e plumbave, e cila rezultoi fatale për ta.

Edhe Arlindi qelloi
Arlind Bushati u kundërpërgjigj me zjarr, por pa mundur të mbrohet. Breshëria e plumbave ka vijuar për dhjetëra metra në lëvizje, derisa makina e viktimave humbi kontrollin, përplasi motoçikletën e bashkëshortëve Basha dhe përfundoi në murin rrethues të një servisi. 56-vjeçarja Flutura Basha mbeti viktimë e pafajshme ndërsa i shoqi, Bashkim Basha 67 vjeç është në gjendje të rëndë.

Në makinën e viktimave, policia gjeti tre pistoleta, njëra e Bushatit, gëzhoja të së cilës u gjetën brenda në makinë, tjetra e Licit, pranë këmbëve dhe një e tretë në kroskot që dyshohet se i përket personit që u arratis. Ndërsa në makinën e djegur të autorëve u gjetën 2 automatikë, të njëjtët që u përdorën në atentat.

Viktimat e atentatit në Shkodër 30 tetor 2024
Të vrarë
Hamza Lici - Vëllai i Ibrahim Licit - 23 vjeç
Flutura Basha - qytetare, po levizte me motor me burrin - 56 vjeçe
Arlind Bushati - Djali i Xhemal Bushatit - 32 vjeç - Vdiq pas disa orësh në spital
I plagosur rëndë 
Bashkim Basha - bashkëshorti i Fluturës - 67 vjeç
Rendit zhvillimet sipas orarit:
Ora 16:58
Atentati në Shkodër/ FOTO e personit të tretë që dyshohet se ishte në makinë me Hamza Licin dhe Arlind Bushatin 

1730390439_personiitreteshkoderhamzalica.jpg

Foto: Personi i tretë që mendohet se ka qenë në makinë

Shkoder- Personi i tretë që ka qenë në makinën ku mbetën të vrarë Hamza Lici dhe Arlind Bushati nuk është identifikuar akoma nga Policia e Shkodrës.

Ndërkohë Report Tv dhe Shqiptarja.com siguron foton e tij. 

Ai është larguar menjëherë pas ngjarjes, (atentati ndodhi rreth orës 15:50, 30 tetor 2024) por është filmuar nga kamera amatore, i veshur me bluzë, xhaketë dhe pantallona të zeza. Hetuesit po punojnë për ta identifikuar dhe lokalizuar, informon gazetari i Shqiptarja.com dhe Report Tv, Sokol Dema.

Në foto personi është pasi ka dalë nga makina. Duket i tronditur dhe duart i ka me gjak, dhe në ball ka njollë gjaku. 

Policia e Shkodrës është rikthyer sërish në skenën e krimit ku një ditë më parë, 30 tetor, u vranë në një atentat mafioz Hamza Lici, Arlind Bushati dhe një kalimtare e rastit, Flutura Basha. Deri tani, Policia e Shkodrës ka sekuestruar kamerat e sigurisë, ndërkohë që ka marrë në vëzhgim edhe automjetin e djegur në fshatin Golem.

Policia e Shkodrës dyshon se në makinën ku ishin viktimat kanë qenë 3 persona, kjo pasi u gjetën 3 pistoleta. Personi i 3-të, mund t’i ketë shpëtuar atentatit dhe është larguar. Policia ka gjetur gjumë gjaku të cilat janë dërguar për ekspertim në laboratorin kriminalistik.

Dyshohet se autorët janë vrasës me pagesë, në moshe të re, ardhur nga Mali i Zi. Sipas hetuesve, dy janë qitës, i treti shofer dhe një i katërt mendohet se i priti në rrethina, ku vrasësit u arratisën pasi dogjën makinën “Range Rover”. Pista kryesore është ajo e hakmarrjes mes bandave, pasi njihet armiqësia disa vjeçare mes Liceve dhe Bajrave.

Shqiptarja.com dhe Report Tv disponon pamjet pak minuta pas atentatit ku viktimat janë të shtrira në tokë, por për shkak të pamjeve të rënda dhe ndjeshmërisë që mund të shkaktojë ka vendosur të mos e publikojë.

S.G/Shqiptarja.com

Ora 13:07
Atentati në Shkodër/ Policia dyshime se një person i tretë ishte në makinë me Licin dhe Bushatin! Gjurmë gjaku dërgohen për ekspertim

1730302491_vrasjeneshkoder.jpg

Detaje të reja nga atentati me 3 viktima në Dobraç të Shkodrës. Burime për gazetarin e Report Tv, Ergys Kavaja bëjnë me dije se Policia e Shkodrës dyshon se në mjetin tip ‘Benz’, ku u vranë Hamza Lici dhe Arlind Bushati, ka qenë edhe një person i tretë.

Grupi hetimor ka dyshime të forta për shkak të gjetjes së 3 pistoletave në makinë. Policia dyshon se personi i 3-të, mund t’i ketë shpëtuar atentatit dhe është larguar.

Policia ka gjetur gjumë gjaku të cilat janë dërguar për ekspertim në laboratorin kriminalistik për të parë nëse gjurmët e gjakut janë të viktimave apo të një personi të tretë.

SI.E./Shqiptarja.com

Ora 12:43
Del FOTO/ Kush është Flutura Basha, viktima e pafajshme e atentatit në Shkodër

1730370569_fluturabasha.jpg

Viktima Flutura Basha

Shqiptarja.com ka siguruar foton e Flutura Bashës, e cila humbi jetën në atentatin mbrëmjen e djeshme në Dobraç të Shkodrës.

Flutura Basha ishte viktima e pafajshme e këtij atentati, e cila po udhëtonte me motor bashkë me bashkëshortin e saj, në momentin kur atentatorët kanë qëlluar në drejtim të makinës në të cilën po lëviznin Hamza Lici dhe Arlind Bushati.

Mjeti i tyre më pas është përplas me motorin e çiftit Basha, duke lënë të vdekur Fluturën dhe në gjendje të rëndë është bashkëshorti i saj Bashkim Basha.

SI.E./Shqiptarja.com

Ora 11:02
Atentati në Shkodër, dyshime për vrasës me pagesë nga Mali i Zi! Numri i shasisë së mjetit i dëmtuar nga zjarri, sekuestrohen 35 gëzhoja

Grupi hetimor i Policisë së Shkodrës dhe Policisë Kriminale ka dyshime se autorët janë vrasës me pagesë nga Mali i Zi, në moshë të re. Makina e viktimave rezulton të ketë hyrë në vendin tonë po ashtu nga Mali i Zi në ditët e fundit dhe ka bërë lëvizje në afërsi të zonës së Dobraçit disa herë.

Sipas gazetarit të Report Tv, Sokol Dema, hetuesit kanë sekuestruar më shumë se 35 gëzhoja në vendngjarje. Makina e djegur e autorëve, deri tani nuk ka prodhuar asnjë të dhënë për grupin hetimor, pasi numri i shasisë është dëmtuar nga zjarri, megjithatë është dërguar për ekspertim me shpresën se mund të zbulohet.

Të djegura plotësisht janë edhe targat. Hetuesit janë përqendruar te kamerat e sigurisë, por po haset vështirësi pasi në zonë ose nuk ka kamera, ose edhe ata që janë nuk kanë server për ruajtje pamjesh. Disa prej tyre janë të koduara dhe janë marrë për t'u ekspertuar në laborator.

S.B/Shqiptarja.com

Ora 10:30
Atentati me 3 viktima në Shkodër, ministri i Brendshëm: Shumë shpejt do kemi rezultate konkrete! Po punohet për arrestimin e autorëve

Ministri i Brendshëm, Ervin Hoxha ka reaguar pas masakrës me 3 viktima që ndodhi një ditë më parë në Shkodër, (30 tetor) ku humbën jetën 23-vjeçari Hamza Lici, 32-vjeçari Arlind Bushati dhe një grua, e cila udhëtonte me motor me bashkëshortin e saj, pasi u përplas nga makina e Hamza Licit dhe Arlind Bushatit.

Teksa u pyet nga gazetarët në ambientet e jashtme të Kuvendit, ai u shpreh se të gjitha forcat e policisë së shtetit kanë shkuar në Shkodër për të bërë të mundur arrestimin e autorëve.

Ai deklaroi se shumë shpejt do të ketë rezultate konkrete në lidhje me ngjarjen.

“Dje të gjitha forcat e Policisë së Shtetit kanë shkuar në Shkodër për të bërë të mundur arrestimin e autorëve. Ata janë atje për të bërë detyrën e tyre. Shumë shpejt do të kemi një rezultat konkret në lidhje me ngjarjen që ka ndodhur dje”, tha ministri.

 

S.B/Shqiptarja.com

Ora 09:51
VIDEO/ Atentati në Shkodër, grupi hetimor kthehet në skenën e krimit, vendngjarja ende e rrethuar me shirit

Report Tv sjell pamjet nga vendi ku ndodhi atentati një ditë më parë në Dobraç të Shkodrës. Siç shihet edhe në pamje, vendi ku ka ndodhur krimi është ende i rrethuar me shitit pasi grupi hetimor u kthye sot në vendin e ngjarjes sërish. 

Tre persona mbetën të vrarë nga atentati në zonën e Dobraçit, Hamza Lici, vëllai i Ibrahim Licit, si edhe Arlind Bushati dhe një kalimtar.

SI.E./Shqiptarja.com

Ora 09:08
Atentati me 3 viktima në Shkodër, zbardhet dëshmia e Safet Bajrit: Nuk kam lidhje, isha në shtëpi me familjen

 

Rreth 20 persona janë shoqëruar pas atentatit me 3 viktima dhe 1 të plagosur në Shkodër, të cilët pasi kanë dhënë deklarime janë liruar.

Mes të shoqëruarve ishte edhe Safet Bajri. Gazetari i Report Tv, Sokol Dema ka siguruar dëshminë e tij para uniformave blu.

Safet Bajri është mbajtur vetëm 2 orë në Policinë e Shkodrës. Në deklarime ka thënë se ka qenë në shtëpi me familjarët e vetë dhe nuk ka asnjë lidhje me atentatin. Sipas tij është i monitoruar në kamera gjithandej në shtëpi, të cilat provojnë se gjatë kohës së vrasjes ka qenë në shtëpi.

SI.E./Shqiptarja.com